دەقی وەڵام:

وەڵام : زانایان دەڵێن ئیمام مەھدی کەسێکە لە ئومەتی محمد لە کۆتایی زەمان دێت ، وە چەند سیفەتی ھەیە کە فەرموودەی ڕاست لەسەری ھاتوون :

(١) مناڵی فاطیمەی كچی پێغەمبەرە درود و سەلامی خوای لێ بێت ، لە نەوەی حەسەنی کوڕی عەلی یە خوا لێی ڕازی بێت ، ناوی محمدی کوڕی عبداللە یە .

(٢) زەوی پڕ دەکات لە دادپەروەری .

(٣) حەوت ساڵ دەمێنێتەوە یان ھەشت ساڵ ، خێر و بەرەکەت زۆر دەبێت لەسەردەمی .

(٤) لەکۆتایی زەمان دەردەچێت لەگەڵ دابەزینی عیسا درود و سەلامی خوای لێ بێت .

(٥) خوای گەورە ئیسلام و موسلمانان پێی سەردەخات ، وە عیزەت و سەربەرزی لەسەر زەوی بۆ ئیسلام دەبێت .

(٦) لە بیت الحرام دەمێنێتەوە .

(٧) خۆی بانگەشەی ئەوە ناکات بڵێت من مەھدی کۆتایی زەمانم ، بەڵکو خەلک بەیعەتی پێ دەدەن .

(٨) عیسا درود و سەلامی خوای لێ بێت نوێژی بەدوای دەکات .

ھەر کەسێک ئێستا بانگەشەی ئەوە بکات من مەھدی کۆتایی زەمانم ئەوە درۆ دەکات و لە درۆزنەکانە ، ھەروەک چۆن چەندین درۆزنی تر پێش ئێستا ئەم بانگەشەیەیان کردووە ، بەڵام لەگەڵ ئەمەش ناتوانین بڵێین تووشی کوفری گەورە بووە تەنھا بە بانگەشەی ئەوە کردن کە من محمد مھدیم ، موسلمان دەبێت پەلە نەکات و ژیرانە بیر بکاتەوە و بە قسەی خەلک ھەلنەخەلەتێت ، دەبێت پرسیار لە ئەھلی علم بکات و گوێڕایەلی زانایان بکات .

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

Www.ferdaws.net