دەقی وەڵام:

وەڵام : زۆربەی زانایان بۆ ئەوە چوون بسم اللە سونەتە پێش دەست نوێژ کە ئەمە وتەی ڕاستە ، بەڵام بۆ شێوەی بسم اللە ھەر کەسێک الرحمان الرحیم بۆی زیاد بکات جیاوازی ھەیە لەنێوان زانایان دوو وتە ھەیە :

یەکەم : ھەندێک زانا بۆ ئەوە چوون باشتر وایە الرحمان الرحیم زیاد بکەیت .

دووەم : ھەندێک زانای تر بۆ ئەوە چوون باشتر وایە الرحمان و الرحیم نەڵێی ، تەنھا بسم اللە بڵێی باشترە .

ئیمام النووی ڕەحمەتی خوای لێ بێت دەفەرمووێت : (( بزانە کاملتر بۆ بسم اللە ئەوەیە بڵێی : بسم اللە الرحمان الرحیم ، ئەگەر تەنھا بڵێی : بسم اللە ئەوە بسم اللە ی گوتووە بێ ئەوەی جیاوازی ھەبێت لەنێوان زانایان . )) المجموع ج١ لاپەڕە ٣٨٦ .

الشيخ الدردير المالكي رەحمەتی خوای لێ بێت دەفەرمووێت : (( ناوی خوا دەھێنرێ کاتی شۆردنی دەستەکان ھەتا مەچەک : بسم اللە ، زیادکردنی الرحمان الرحیم جیاوازی ھەیە لەنێوان زانایان . )) الشرح الصغير لأقرب المسالك " (1/ 122) .

وتەی ڕاست بەرفراوانی تێدایە بەڵام ئەگەر تەنھا بسم اللە بڵێ باشترە ، وە کەس نەی گوتووە ھەر کەسێک بسم اللە الرحمان الرحیم بڵێت ھەروەک وایە بسم اللە نەگوتووبێ ئیلا وتەیەکی شاز نەبێ .

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

Www.ferdaws.net