سەردێری پرسیار:ئایا ستار ناوی خوای گەورەیە ؟

بەرواری دانان :2019-03-26 کۆدی پرسیار:1095

پرسیار:

پرسیار : ئایا ستار ناوی خوای گەورەیە ؟

دەقی وەڵام:



وەڵام : زانایان دەڵێن ھیچ بەڵگەی ڕاست نەھاتوون لە قورئان و سونەت کە ستار ناوێک بێت لە ناوەکانی خوای گەورە ، بەڵام فەرموودە ھاتووە کە ستیر ناوی خوایە ، بەڵگە :

پێغەمبەر درود و سەلامی خوای لێ بێت دەفەرمووێت : (( إِنَّ اللَّهَ عَزَّ وَجَلَّ حَلِيمٌ حَيِيٌّ سِتِّيرٌ يُحِبُّ الْحَيَاءَ وَالسَّتْرَ ، فَإِذَا اغْتَسَلَ أَحَدُكُمْ فَلْيَسْتَتِرْ )) رواە أبو داود (٤٠١٢) ، وصححه الألباني في صحيح الجامع .

ابن باز ڕەحمەتت خوای لێ بێت دەفەرمووێت : (( نەم زانیووە بەڵگە ھاتبێت ستار ناوی خوا بێت ، ئەگەر چی خەلکیش بەکاری دەھێنن بەڵام نەم زانیووە فەرموودەی صحیح ھاتبێت لە پێغەمبەرەوە درود و سەلامی خوای لێ بێت ، ئەوەی فەرموودە لەسەری ھاتبێت ستیرە : " إن ربكم حيي ستير يستحي من عبده إذا رفع يديه إليه أن يردهما صفراً " .

سەبارەت بە ستار نەم زانیووە فەرموودەی صحیح ھاتبێت بەڵگە بێت کە ناوی خوا بێت ، ناوەکانی خوا لە کتابی خوا ھەن ، وە لە فەرموودەی صحیح لە پێغەمبەرەوە ، ..... )) نور علی الدرب .

عبد العزيز الراجحي خوا بیپارێزێت دەفەرمووێت : ستار نەم زانیوە ناوی خوای گەورە بێت ، بەڵام ستیر لە ناوی خوایە ، ھەروەک فەرموودە ھاتووە : " إن اللە حی ستیر " ، سەبارەت بە ستار نەم زانیووە ناوی خوا بێت ، بەڵکو لە بابەتی خەبەر ، خەبەر نقل کراوە سەبارەت بە خوا ستارە ، بابەتی خەبەر فراوانترە لە بابەتی ناو )) .

ابن عثیمین ڕەحمەتی خوای لێ بێت دەفەرمووێت : (( المحیی ناوی خوا نییە ، بەڵکو سیفەتیخوایە و کردەوەیەکە لە کردەوەکانی خوای گەورە ، خوای گەورە دەفەرمووێت : " هُوَ الَّذِي يُحْيِي وَيُمِيتُ فَإِذَا قَضَى أَمْراً فَإِنَّمَا يَقُولُ لَهُ كُنْ فَيَكُونُ " [ غافر : ٦٨ ] ، فالمحيي اسم فاعل من أحيا ، سیفەتی کردەوەکانە نەل ناوی خوایە .

سەبارەت بە ستیر فەرموودە ھاتووە ، بەڵام پێویستی بە تێڕوانینە بۆ صحیحییەکەی ، ئەگەر فەرموودەکە صحیح بێت ئەوە ناوی خوایە ، چونکە مەزھەبی ئەھلی سونە و جەماعە ئەوەیە ھەر شتێک لە ناوەکانی خوا لە پێغەمبەر جێگیر بووبێت ئەوە ناوی خوایە . )) لقاء الباب المفتوح .

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

Www.ferdaws.net

لیستی بەشەکانی پرسیار و وەڵام