دەقی وەڵام:

وەڵام : زانایان مەسحی سەر خوف یان گۆریە یەک جار دەکرێ ، نابێت دوو جار یان سێ جار مەسح بکەیت ، زۆربەی زانایان بۆ ئەوە چوون دووبارە کردنەوەی مەسح باش نییە ، کە ئەمە وتەی مالکی و شافعی و حەنابلەیە ، بەڵگە :

(١) عن المغيرة بن شُعبةَ رَضِيَ اللهُ عنه قال: ((كنتُ مع النبيِّ صلَّى اللهُ عليه وسلَّم في سفَرٍ، فأهويتُ لأنزعَ خفَّيه، فقال: دعْهما؛ فإنِّي أدخلتُهما طاهِرَتينِ، فمسَح عليهما)) .

لەم فەرموودەیە باسی دووبارە کردنەوەی مەسحی نەکردووە ، بەڵکو ئەوەی دیار بێت یەک جار مەسحی کردووە .

(٢) مەسح کردنی خوف ناکرێ دووبارەبکەیتەوە وەک مەسح کردنی سەر .

(٣) مەسح کردن لەسەر خوف پاک و خاوێنیێکی خەفیفە ، کەواتە خەفیفە لە چۆنیەتی و ژمارەش ، کەواتە یەک جار مەسح دەکرێ .

ابن باز ڕەحمەتی خوای لێ بێت دەفەرمووێت : (( وەک مەسح کردنی سەر یەک جار مەسحی خوف دەکرێ ، مەسح دەکەی بە دەستی ڕاست لەسەر خوفی ڕاست ، وە بە دەستی چەپ بەسەر خوفی چەپ یەک جار وەک سەر ، پێویست ناکات دووبارە بکەیتەوە . )) نور علی الدرب .

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

Www.ferdaws.net