دەقی وەڵام:

وەڵام : جیاوازی ھەیە لەنێوان زانایان سەبارەت بە حوکمی حیجامە ، دوو وتە ھەیە :

یەکەم : ھەندێک زانا بۆ ئەوە چوون حیجامە سونەتە .

ابن مفلح ڕەحمەتی خوای لێ بێت دەفەرمووێت : (( سەبارەت بە حیجامە زۆر فەرموودەی ھاتوون بەناوبانگن ، لەسەر کردنی و فەزلی و کاتەکەی ، وە کردەوەی پێغەمبەر بووە درود و سەلامی خوای لێ بێت . )) "الآداب الشرعية" (3/87) .

دووەم : ھەندێک زانای تر بۆ ئەوە چوون لە چارەسەرە ڕێگەپێدراوەکانە .

خطابي ڕەحمەتی خوای لێ بێت دەفەرمووێت : (( حیجامە ڕێگەپێدراوە ، سوودی تێدایە و باشە و چارەسەرە بۆ لاشەکان . )) "معالم السنن" (3/103) .

وتەی ڕاست وتەی دووەمە ، چونکە :

(١) حیجامە لەو کاروباری پزیشکی یە پێش ئیسلام ھەبووە ، لە ئومەتەکانی پێشتریش ھەبووە ھەتا لە سەردەمی فەراعینەکانیش ھەبووە ، ئەصل وایە ڕێگەپێدراوە .

(٢) ھیچ فەرموودە نەھاتوون پاداشتی بۆ حیجامە کردن دیار کردبێت ، وە سزای دانابێت بۆ ئەو کەسەی تەرکی دەکات ، حیجامە یەکێکە لە عادەتەکان .

ابن عثيمين ڕەحمەتی خوای لێ بێت دەفەرمووێت : (( حیجامە سونەت نییە ، حیجامە دەرمانێکە ئەگەر مرۆڤ پێویستی پێی بوو دەیکات ، ئەگەر پێویستی پێ نەبوو نایکات . )) مجموع فتاوى ورسائل العثيمين" (23/ 96) .

ابن عثیمین ڕەحمەتی خوای لێ بێت دەفەرمووێت : (( حیجامە کردن ئایا دروستە یان سونەتە یان حەڕامە ؟

دەڵێین : ئەم فەرموودەیە بەڵگەیە لەسەر دروستی حیجامە کردن ، کارەکە لەنێوان ئەوە ماوە سونەتە یان دروستە لەسەر ڕووی إباحە ، دەڵێین : ئەگەر مرۆڤ پێویستی پێی ھەبوو ئەوە سونەتە وەک شوێنی کەوتنی پێغەمبەر درود و سەلامی خوای لێ بێت ، وە ئەگەر پێویستی نەکرد سەیری دەکەین ، ئەگەر زیانی پێ بگەیەنێت بۆ کەم بوونی خوێنی ئەوە حەڕامە ، وە ئەگەر زیانی بۆی نەبێت ئەوە ڕێگەپێدراوە . )) فتح ذي الجلال والإكرام ج١ لاپەڕە ٤٧٢ .

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

Www.ferdaws.net