پرسیار : ئایا بەنج ڕۆژوو دەشکێنێت ؟
وەڵام : زانایان دەڵێن بەنج ڕۆژوو ناشکێنێت ، چونکە خواردن و خواردنەوە نییە .
پرسیار کراوە لە ابن عثيمين ڕەحمەتی خوای لێ بێت : سەبارەت بە بەنج لەسەر ددان دادەنرێت لە ڕۆژی ڕەمەزان ، ئایا قەزا کردنەوەی ئەو ڕۆژووەی لەسەر ئەگەر بەنجی دانا ؟
لە وەڵام دا دەفەرمووێت : (( نەخێر ، چونکە بەنج ڕۆژوو ناشکێنێت ، بەنج لە شوێنێک دان کاریگەری لەسەر ئەو شوێنە ھەیە بە سڕ بوون ، بەڵام نەگاتە گەدە ، ھەر کەسێک بەنج لێیدرا و بەڕۆژوو بوو ، وە ڕۆژووەکە چ سونەت بێت یان واجب ، ڕۆژووی دروستە . )) نور علی الدرب .
ابن قدامة ڕەحمەتی خوای لێ بێت دەفەرمووێت : (( ھەر کاتێک لەھۆش خۆ چوو ھەموو ڕۆژەکە ، بەئاگا نەھات ھیچ کاتێک لەو ڕۆژە ، ئەوە ڕۆژووی دروست نییە ، لەسەر وتەی ئیمامی ئێمە و شافعی ....
وە ھەر کاتێک لەھۆش خۆ چوو بە ئاگا ھات لە بەشێکی ڕۆژ ، ڕۆژووی دروستە ، جا چ لە سەرەتاکەی بێت یان کۆتایی یەکەی بێت . )) "المغني" (3/12).
ــــــــــــــــــــــــــــــــــــــــــــــــــــــــــــــــــــــــــــــــــــــــ
Www.ferdaws.net