پرسیار : حوکمی داوای شەفاعەت کردن لە مردوو ؟
وەڵام : صالح ال الشیخ خوا بیپارێزێت دەفەرمووێت : (( شەفاعەت دوعایە ، داواکردنی شەفاعەت داواکردنی دوعایە ، ئەگەر بڵێت : أستشفع برسول اللە ، وەک ئەوە وایە بڵێت : داوا لە پێغەمبەر دەکەم دوعام بۆ بکات لای خوا گەورە ، کەواتە شەفاعەت داوا کردنە ، ...
واتە : ئەگەر یەکێک بچێتە لای گۆڕی پێغەمبەر درود و سەلامی خوای لێ بیت ، یان گۆڕی پیاو چاکێک ، یان گۆڕی کەسانی تری وەک ئەمانە ، گوتی : أستشفع بك ، یان أسال الشفاعة ، ماناکەی : داوای لێکردووە ، داوای لێکردووە دوعای بۆ بکات ، لەبەر ئەوە داوای لە بێجگە لەخوا کردووە و ڕووی کردۆتە بێجگە لەخوا شیرکە بەخوا ، چونکە لە ڕاستی دا داوا کردنە لە بێجگە لەخوا ، داواکردنە لەم مردووە ، وە ڕووی کردۆتە ئەم مردووە بە داواکردن و دوعا .
ئەگەر مانای شەفاعەتت زانی ، وە حوکمی داواکردن زانی لە مردووەکان کە شیرکی گەورەیە ، بزانە زیندووەکان ئەوانەی لەم دونیایەدان دروستە داوای شەفاعەتی لێ بکەیت ، واتە : دروستە داوایان لێ بکەیت ، ھەندێک جار وەلامی داوایان دەدرێتەوە و ھەندێک جاریش وەڵامیان نادرێتەوە ، ئەمەش دیارە لە شەفاعەتی ھەندێک خەڵک بۆ ھەندێک خەڵکی تر لە شەفاعەتی باش یان شەفاعەتی خراپ بۆ یەکتر کردن ، ھەروەک خوای گەورە دەفەرمووێت : " من یشفع شفاعة حسنة " [ النساء : ٨٥ ] ، وە دەفەرمووێت : " ومن یشفع شفاعة سيئة " [النساء :٨٥] ، ...
بابەتی شەفاعەت یەکێکە لەو بابەتانەی شاراوە بووە لای زۆر لە زانایان ، لەبەر ئەوە ھەندێک ھەڵە دەبینیت لە بابەتی داواکردنی شەفاعەت لە پێغەمبەر درود و سەلامی خوای لێ بێت ، ھەندێک زانا چەند چیڕۆکیان باسکردووە لە کتابەکانی خۆیان داوای شەفاعەتیان لە پێغەمبەر کردووە بێ ئەوەی ئینکاری بکەن ، ھەروەک ئیمام النووی ئەمەی کردووە لە کتابی الأذكار لاپەڕە ١٦٠ ، وە ابن قدامە لە المغني ج٢ لاپەڕە ٢٩٨ ، وە کەسانی تریش بێجگە لە ئەمانە .
ئەمە نابێتە خیلاف لەم بابەتە ، چونکە ئەم خیلافە دەگەڕێتەوە بۆ تێنەگەیشتن لە حەقیقەتی ئەم بابەتە ، بابەتی شەفاعەت یەکێکە لەو بابەتانە ھەندێک شاراوەیە ، لەبەر ئەوە ھەندێک ئەھلی عیلم دەڵێن : إقامة الحجة لە بابەتەکانێ تەوحید جیاوازن بەگوێرەی بەھێزی شوبەھەکانیان ، ... )) التمھید لاپەڕە ٢٠٦-٢٠٨ .
صالح الفوزان خوا بیپارێزێت دەفەرمووێت : (( شەفاعەت ماناکەی : واستە کردن و داوا کردنە لە کەسێک بۆ شتێک پێویستی پێیەتی ، پێی دەڵێن شەفاعەت چونکە سەرەتا کەسەکە خۆی بە تەنیا بووە ، کاتێک داوای لە کەسێک کرد بۆ حاجەتێک ، ئەو کات بوون بە دوو کەس ، چونکە دوو کەسن لە داواکردن دا . )) إعانة المستفيد .
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
Www.ferdaws.net