پرسیار : واجب و سونەتەکانی حەج چین ؟
وەڵام : زانایان دەڵێن حەج لە ڕوکن و واجب و سونەت پێک ھاتووە .
ڕوکنەکانی حەج : ھەر کەسێک ڕوکنەکانی حەج نەکات ، یان تەرک بکات حەجی دروست نییە ، ڕوکانەکان ئەمانە :
(١) ئیحرام ، نییەت ھێنان بۆ حەج .
(٢) وەستان لە کێوی عەرەفە .
(٣) تەوافی ئیفاضە .
(٤) سەعی حەج .
واجبەکانی حەج : ھەر کەسێک واجبەکانی حەج نەکات پڕ دەبێتەوە بە خوێن ، واتە ئاژەڵ سەربڕین ، واجبەکانی حەج ئەمانەن :
(١) ئیحرام بەستن لە میقات .
(٢) وەستان لە عەرەفە ھەتا شەو .
(٣) مانەوە لە موزدەلیفە ھەتا نیوەی شەو .
(٤) مانەوە لە مینا لە ڕۆژەکانی تەشریق .
(٥) ڕەمی جمرات .
(٦) سەرتاشین یان کورت کردن .
(٧) تەوافی ماڵئاوایی .
سونەتەکانی حەج : ھەر کەسێک سونەتەکانی حەج نەکات ھیچی لەسەر نییە ، بێجگە لە ڕوکن و واجبەکان ئەوانی تر ھەمووی سونەتن .
ڕوکانەکانی عومرە :
(١) ئیحرام .
(٢) تەوافی عومرە .
(٣) سەفا و مەڕوای عومرە .
واجبەکانی عومرە :
(١) ئیحرام بەستن لە میقات .
(٢) سەر تاشین یان کورت کردن .
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
Www.ferdaws.net