سەردێری پرسیار:زیانەکانی زیادەڕەوی کردن لە مرۆڤێک چیین ؟

بەرواری دانان :2019-07-01 کۆدی پرسیار:1274

پرسیار:

پرسیار : زیانەکانی زیادەڕەوی کردن لە مرۆڤێک چیین ؟

دەقی وەڵام:



وەڵام : زانایان دەڵێن غلو : هو مجاوزة الحد في الثناء مدحا أو قدحا ، واتە : سنور بەزاندنە لە باس کردن جا چ مەدح کردن بێت یان زەم کردن بێت .

ابن عثیمین ڕەحمەتی خوای لێ بێت دەفەرمووێت : (( واتە : زیادەڕەوی مەکەن لە مەدح کردن و زەم کردن دا ، واقعەکە باسی ئەھلی کتابە بەگشتی زیادەڕەوی کردن لە ئەھلی کتاب ڕوویدا ، چونکە زیادەڕەوییان کرد لە عیسا علیە السلام بە مەدح کردن و زەم کردن ، گاورەکان گوتیان : عیسا کوڕی خوایە ، جولەکە وتیان : دایکی عیسا زیناکەرە ، وە خۆی مناڵی زینایە ، ھەردوو لا زیادەڕەوییان کرد لە دین دا و سنوریان بەزاند ...

نەھی کراوە لە زیادەڕەوی کردن ، چونکە زۆر زیان لەخۆ دەگرێتەوە ، لەوانە :

(١) ئەو کەسەی زیادەڕەوی تێیدا کراوە لە شوێنی خۆی بەرزتر دانراوە ئەگەر مەدح بێت ، ئەگەر زەم بێت لەشوێنی خۆی نزم تر دانراوە .

(٢) سەر دەکێشێت بۆ عیبادەت کردنی ئەو کەسە کە زیادەڕەوی تێیدا کراوە ، ھەروەک ئەمە ڕوویداوە لە واقع .

(٣) لادەدات لە بەگەورە دانای خوای گەورە ، چونکە نەفس یان سەرقاڵ دەبێت بە باطل یان حەق ، ئەگەر سەرقاڵ بوو بەزیادەڕەوی ئەو دروستکراوە و مەدحی کرد و بەگەورەی دانا ، دڵی پەیوەست دەبێت بەو کەسە و لەبیر دەکات کە ئەو حقوقانە دەبێت بۆ خوا بن و تەنھا خوا بپەرستێت و بەگەورە دابنێت .

(٤) ئەو کەسەی زیادەڕەوی تێیدا کراوە تووشی خۆ بە گەورە دانان و سەرسام بوون بە نەفسی خۆی دەبێت ، ئەگەر زیادەڕەوی تێیدا بکەن لە مەدح کردن دا ، وە دوژمنایەتی و ڕق کینە و شەڕ و ئاژاوە دەکەوێت نێوانیان ئەگەر زیادەڕەوی بکەن لە زەم کردن دا . )) المفید ج١ لاپەڕە ٤٦٦-٤٧٠ .

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

Www.ferdaws.net

لیستی بەشەکانی پرسیار و وەڵام