پرسیار : حوکمی نوێژی جەنازە کردن دوای نوێژی بەیانی و عصر ؟
وەڵام : ھەموو زانایان یەک دەنگن دروستە نوێژی جەنازە بکەیت دوای نوێژی بەیانی و عصر .
ئیمام شافعی ڕەحمەتی خوای لێ بێت دەفەرمووێت : (( ئیجماعی خەڵک ھەیە لەسەر نوێژ کردن لەسەر جەنازە دوای نوێژی بەیانی و عصر . )) الأم ج١ لاپەڕە ١٧٤ .
ابن منذر ڕەحمەتی خوای لێ بێت دەفەرمووێت : (( ئیجماعی موسلمانان ھەیە لەسەر نوێژ کردن لەسەر جەنازە دوای عصر و دوای بەیانی . )) الأوسط ج٣ لاپەڕە ٩٦ .
ئیمام النووی ڕەحمەتی خوای لێ بێت دەفەرمووێت : (( ھەموو موسلمانان یەک دەنگن لەسەر دروستی نوێژ کردن لەسەر جەنازە دوای بەیانی و عصر ، ... )) المجموع ج٤ لاپەڕە ١٧٢ .
ابنُ قدامةَ ڕەحمەتی خوای لێ بێت دەفەرمووێت : (( سەبارەت بە نوێژ کردن لەسەر جەنازە دوای بەیانی ھەتا خۆر ھەڵاتن ، وە دوای عصر ھەتا خۆر لادەدات بۆ ئاوابوون جیاوازی تێیدا نییە . )) المغنی ج٢ لاپەڕە ٨٢ .
———————————————————————————————————
Www.ferdaws.net