سەردێری پرسیار:حوکمی ئەو کەسەی بانگەشەی پێغەمبەرایەتی دەکات ؟

بەرواری دانان :2019-07-24 کۆدی پرسیار:1325

پرسیار:

پرسیار : حوکمی ئەو کەسەی بانگەشەی پێغەمبەرایەتی دەکات ؟

دەقی وەڵام:



وەڵام : ورواه البرقاني في صحيحه ، وزاد : (( وإنما أخاف على أمتي الأئمة المضلين ، وإذا وقع عليهم السيف لم يرفع إلى يوم القيامة ، ولا تقوم الساعة حتى يلحق حي من أمتي بالمشركين ، وحتى تعبد فئة من أمتي الأوثان ، وإنه سيكون في أمتي كذَّابون ثلاثون ، كلهم يزعم أنه نبي ، وأنا خاتم النبيين ، لا نبي بعدي. ولا تزال طائفة من أمتي على الحق منصورة لا يضرهم من خذلهم حتى يأتي أمر الله تبارك وتعالى )) .

واتە : ئیمام بەڕقانی ئەم فەرموودەی ڕیوایەت کردووە ، ئەم زیادەشی لەگەڵ ھێناوە : (( من تەنھا لە پێشەوا و ئیمامە گومڕاکەرەکان دەترسم کە زیان لە ئومەتەکەم بدەن .

کاتێک جەنگ کەوتە نێوانیانەوە ، ئەو جەنگە بەردەوام دەبێت و ڕاناوەستێ ھەتا ڕۆژی قیامەت ، قیامەتیش نایەت ھەتا چەندین قەبیلە و کۆمەڵ " واتە : ئەوانەی ئیمانیان ھێناوە " دەڕۆنە ڕیزی موشریکەکانەوە " واتە : یان خاکی ئیسلام بەجێ دەھێڵن دەڕۆنە خاکی کوفرەوە ، یان بەکاروکردەوە شەریک بۆ خوا دادەنێن و دەڕۆنە ڕیزی ئەوانەوە " ، وە ھەتا ژمارەیەکی زۆر لە ئومەتەکەم پەیکەر دەپەرستن ، بە تەئکید لەناو ئومەتەکەمدا سێ درۆزن پەیدا دەبن " واتە : ئەوانەی دەبنە خاوەن ھێز و دەسەلات " ، ھەموویان بانگەشەی پێغەمبەرایەتی دەکەن ، منیش کۆتایی پێغەمبەرانم ، لەدوای منیش ھیچ پێغەمبەرێک نییە .

بەردەوام کۆمەڵێک لە ئومەتەکەم لەسەر حەق دەمێنێتەوە ، خوا ئەوانە سەرکەوتوو دەکات ، ئەوانەش کە پشتیان بەر دەدەن لە موسلمانان و ئەوانەش کە دژایەتییان دەکەن زیانیان پێ ناگەیەنن " واتە : لە ڕووی دینەوە ، وە ناشتوانن بنبڕیان بکەن " ، ئەوانە ھەر دەمێننەوە ھەتا فەرمانی خوا دێت بۆ ڕۆح کێشانی ھەرچی ئیماندارە لەسەر زەویدا )) .

ئەم فەرموودەیە بەڵگەیە ھەر کەسێک بانگەشەی پێغەمبەرایەتی بکات درۆزنە و کافرە .

ئیمام النووی ڕەحمەتی خوای لێ بێت دەفەرمووێت : (( ئەگەر بانگەشەی پێغەمبەرایەتی کرد دوای پێغەمبەری ئێمە درود و سەلامی خوای لێ بێت ، یان ئەو کەسەی بەڕاست دانا کە بانگەشەی پێغەمبەرایەتی کرد ، ھەموو ئەمانە کوفرن . )) روضة الطالبين ج١٠ لاپەڕە ٦٤-٦٥ .

ابن قدامە ڕەحمەتی خوای لێ بێت دەفەرمووێت : (( ھەر کەسێک بانگەشەی پێغەمبەرایەتی بکات ، یان ئەو کەسەی بانگەشەی دەکات بەڕاستی دابنێیت ، ئەوە ھەڵگەڕاوەیە ، چونکە موسەیلەمە کاتێک بانگەشەی پێغەمبەرایەتی کرد ، قەومەکەی بەڕاستی موسەیلەمەییان بەڕاست دانا ، بەمە ھەموویان ھەڵگەڕانەوە لە دین ، وە طلیحەی ئەسەد و بەڕاست دانەرانی ، پێغەمبەر درود و سەلامی خوای لێ بێت دەفەرمووێت : " لا تقوم الساعة حتى يخرج ثلاثون كذاباً كلهم يزعم أنه رسول الله " . )) المغنی ج٨ لاپەڕە ١٥٠ .

ابن تيمية ڕەحمەتی خوای لێ بێت دەفەرمووێت : (( زانراوە ھەر کەسێک درۆ بداتە پاڵ خوای گەورە بەوەی نێردراوی خوایە یام پێغەمبەری خوایە ، یان خەبەرێک بدات لە خواوە بە درۆ ، وەک موسەیلەمە و عنسی و کەسانی تری وەک ئەم دووانە کە بانگەشەی پێغەمبەرایەتییان کرد ، ئەوە کافرە و خوێنی حەڵاڵە . )) الصارم المسلول لاپەڕە ١٤٨ .

صالح الفوزان خوا بیپارێزێت دەفەرمووێت : (( ئەم فەرموودەیە بەڵگەیە کە پێغەمبەر دوا پێغەمبەرە و ھیچی پێغەمبەری تر دوای ئەو ناھێن ، ھەر کەسێک بانگەشەی پێغەمبەرایەتی بکات ئەوە کافرە ، چونکە خوا و پێغەمبەر و ئیجماعی موسلمانانی بەدرۆ خستۆتەوە ، ... ))) إعانة المستفيد .

——————————————————————————

Www.ferdaws.net

لیستی بەشەکانی پرسیار و وەڵام