سەردێری پرسیار: ئایا ھەر کەسێک کافر بەکافر دانەنێت کافر دەبێت ؟ ئەم وتەیە تا چەند ڕاستە : من لم يكفر الكافر فهو كافر ؟

بەرواری دانان :2019-08-05 کۆدی پرسیار:1363

پرسیار:

پرسیار : ئایا ھەر کەسێک کافر بەکافر دانەنێت کافر دەبێت ؟ ئەم وتەیە تا چەند ڕاستە : من لم يكفر الكافر فهو كافر ؟

دەقی وەڵام:



وەڵام : زانایان دەڵێن : (( من لم يكفر الكافر فهو كافر )) ، واتە : ھەر کەسێک کافرێک کافر نەکات ، ئەوە ئەویش کافرە ، زانایان دەڵێن ئەمە یەکێکە لە قاعیدە گرینگەکانی بیروباوەڕ ، بەڵام ئەم قاعیدەیە باسی ئەم دوو جۆرەیە :

یەکەم : کافر و موشریکە ئەصلی یەکان ، وەک : پەیکەر پەرست و جوولەکە و گاور و ئەوانەی خوای گەورە لە قورئان ناوی ناون بە کافر ، وەک فیرعەون و ئەبو لەھب ، ھەر کەسێک ئەمانە کافر نەکات کافرە .

دووەم : ئەوانەی تووشی ھەڵگەڕانەوە بوون کە ھەموو زانایان یەک دەنگن لەسەری ، شتێکی زانراوە لە دیندا و زەرووریشە ، وەک : ئینکاری قیامەت کردن ، یان ئینکاری ئایەتێکی قورئان کردن ، وە شتی تری وەک ئەمانە ، ئەمانەش دەبێت کافریان بکەیت .

محمد بن عبدالوھاب ڕەحمەتی خوای لێ بێت دەفەرمووێت : (( ھەر کەسێک موشریکەکان کافر نەکات ، یان بەگومان بێی لە کوفریان ، یان مەزھەبیان پێ ڕاست بێت ، ئەمە کوفرە )) نواقض الإسلام .

—————————————————————————————

Www.ferdaws.net

لیستی بەشەکانی پرسیار و وەڵام