پرسیار // ئایا دروستە یادی لەدایک بوونی مناڵ بکەیت و شت بۆ مناڵ بکڕیت ؟
وەلام // زانایان دەلێن جەژن تایبەتمەندی ئومەتەکانە و لە دین و شەرعە ، ئەسل تێیدا شوێن کەوتن و وەستانە وە هیچ جەژنێک نییە لە ئیسلام ئیلا ئەم دوو جەژنە نەبێت ، جەژنی رەمەزان و قوربان . بێجگە لەم دوو جەژن هەرجەژنێکی تر یان بۆنەیەکی تر دابنرێت ، ئەوا داهێنراوە و دروست نی یە .
زانایانی اللجنة الدائمة دەلێن : (( دروست نی یە یادی شەوى لیلة القدر بكەیتەوە وە شەوەكانی تر شەوی نیوەی شەعبان و شەوی معراج ، وە ڕۆژی لە دایك بوونى پێغەمبەری خوا سەلامی خوای لەسەر بێت . چونكە ئەمانە داهێنراون لە پێغەمبەر و هاوەلانی جێگێر نەبووە ، پێغەمبەر سەلامی خوای لەسەر بێت دەفەرموێت :(( هەر كارێک بکەی فەرمانی ئێمەی لەسەر نەبێت ئەوا رەت دەکرێتەوە )) وە دروست نی یە لەم بۆنانەدا یارمەتیان بدەیت بە مال و هەدیە دابەش كردن و پیالەی چا دابەش کردن ، وە دروست نيە ئامادەبیت بۆ گوێ گرتن لە ووتار چونکە گوێ گرتن و دان پێدانە وهاندانە ، بەلكو دەبێت ئینكاری بكات ئامادەی ئەو شوێنانە نە بێت .))فتاوی اللجنة الدائمة ج۲ لاپەرە ۲٥۷_۲٥۸
زانایانی اللجنة الدائمة دەلێن .((هەدیە دابەش كردن لە نێوان خەلك لەو كردەوانەیە كە خوشەیستی رادەکێشێ و ڕق و كینە دەردەھێنێت ، شتێکە کە لە ڕووی شەرعەوە پێغەمبەر خوا سەلامی خوای لەسەر بێت هەدیە وەرگرتووە و پاداشتی داوە لەسەر هەدیە موسلمانیش لە سەر ئەم كردەوە دەڕۆن سوپاس بۆ خوا ، بەلام هەدیە پەیوەست بێت بە هوكارێکی ناشەرعیەوە دروست نی یە ، وەك هەدیە دان لە عاشورا یان رەجەب یان روژی لەدایك بوون و شتی تری داهێنراو چونکە هاوكاری كردنە لەسەر شتێکی ناحق و پووچ وە بەژداری كردنە لە بیدعە .)) فتاوی اللجنة الدائمة ج۱٦لاپەڕە ۱۷٦
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ