پرسیار // بۆچی حەرامە بەژداری جەژنی کافرەکان بکەین ؟ وە حیکمەت لە حەرام کردنی خۆچوواندن بە کافرەکان چییە؟
وەلام // زانایان دەلێن حەرامە بەژداری جەژنی کافرەکان بکەیت چونکە :
(۱) خۆ چوواندنە بە کافرەکان ، پێغەمبەر سەلامی خوای لێ بێت دەفەرمووێت (( هەر کەسێک خۆی بچووێنێت بە هەر قەومێک ئەوە لە وانە ))
(۲) بەژداری کردن لە جەژنەکانیان نیشانەی خۆش ویستنیانە (( یٲیها الذین امنوا لاتتخذوا عدوی وعدوكم ٲولیاء تلقون ٳلیهم باالمودة ....)) واتە : ئەی ئەوانەی ئیمانتان هێناوە دوژمنی من و دوژمنی خۆتان مەکەنە دۆست و خۆشەویست....
(۳) چەژن بابەتێکە پەیوەندی بە دینەوە هەیە نەک دونیا ، پێغەمبەر سەلامی خوای لێ بێت دەفەرمووێت (( هەموو قەومێک جەژنیان هەیە ، ئەمەش جەژنی ئێمەیە )) جەژنیان دەلالەت لەسەر بیرو باوەڕە پوچەکەیان دەکات.
(٤) ئایەتی سورەت الفرقان دەفەرمووێت (( والذین لا یشهدون الزور ...)) واتە : ئەوانەی ئامادەی شایەتی دانی درۆ نابن ، ((الزور)) : هەموو باطلێک زوورە ، ابن عباس خوا لێی ڕازی بێت دەلێت : مەبەستی ئایەتەکە ئەوە ئامادەی جەژنی موشریکەکان نابن .
حیکمەت لە حەرامی خۆ چوواندن بە کافر :
(۱) خۆ چوواندن بە کافر نیشانی ئەوەیە کە شێوەی کافر باشترە لە هی خۆی لەبەر ئەوە خۆی دەچوێنێت بەکافر ، کە ئەمەش نزیکە لە ڕەخنە گرتن لە دینی خواو ویستی خوا ، ژن کاتێک خۆی دەچوێنێت وەک ئەوە وایە کە ڕەخنە بگرێت و ڕازی نەبێت بەو شێوەی کە خوا دروستی کردووە ، وە خۆ چوواندن بەکافر وەک ئەوەیە بلێیت شێوەی کافر باشترە لە هی موسلمان ، کەخوای گەورە فەرمانی کردووە لە سەر ئەم شێوەیە بمێنیتەوە.
(۲) خۆ چوواندن بە کافرەکان نیشانەی لاوازی نەفسییە ، دینی ئیسلام ئەم لاوازییە قبول ناکات ئەگەر واش بێت ، چونکە ئەم خۆ چوواندنە و دان پێدانانە و ئاشکرا کردنە لاوازی زیاتر دەکات وە بەهێزی کافرەکان زیاتر دەکات، هەر لەبەر ئەمەش ئەگەر مێژوو بخوێنیتەوە بیرمەندانی هەر قەومێک خۆیان نەچواندووە بە دوژمنەکەیان .
(۳) خۆ چوواندن بەکافرەکان خۆشەویستی بۆ کافرەکان و پشتگیری کردن لە کافرەکان لە دڵ موسلماندا دەچێنێت و زیاد دەکات ، کە فەرمان کراوە ڕقت لە کافر بێتەوە و وە پشتگیریان لێ نەکەیت کە پێشتر باسمان کرد.
(٤) خۆ چوواندن بە کافرەکان لە ڕووکەش دا سەر دەکێشیت بۆ خۆ چوواندن لە ناخ دا واتە بیروباوەر .
بابەتەکە زۆر زۆر ترسناکە زانایانی ئێستا زۆر قسە لەسەر ئەم بابەتە دەکەن چونکە خەلکێکی زۆر تووش بووە ، زانایانی پێشتر لەبەر ئەوە زۆر باسی ئەم بابەتەیان نەکردووە چونکە خۆ چوواندن زۆر کەم بوو .
ــــــــــــــــــــــــــــــــــــــــــــــــــــــــــــــــــــــــــــــ