پرسیار // جیاوازی چییە لە نێوان تاوانی ئادەم و ئیبلیس ؟ بۆجی ئادەم کافر نەبوو بەلام ئیبلیس کافر بوو ؟
وەلام // زانایان دەلێن جیاوازی نێوان تاوانی ئادەم و ئیبلیس :
(۱) ئیبلیس فەرمانێکی واز لێ هێنا ، واتە فەرمانی خوای گەورەی جێ بە جێ نەکرد ، بەلام ئادەم تووشی قەدەغەکراوێک بوو .
(۲) هۆی تاوانی ئادەم شەهوەت بوو ، بەلام هۆی تاوانی ئیبلیس خۆ بە گەورە دانان و لەخۆ بایی بوون بوو.
(۳) ئادەم پەشیمان بووەوەو تەوبەی کرد ، بەلام ئیبلیس پەشیمان نەبووەوەو وە خۆی بە گەورە دانا و لەخۆ بایی بوو ، وە بەڵێنیدا ئەگەر بمێنێتەوە دروست کراوەکان گومڕا دەکات .
ابن قیم ڕەحمەتی خوای لێ بێت سەبارەت بە تاوانی ئادەم و ئیبلیس دەفەرمووێت : (( واز هێنان لە فەرمانەکانی خوای گەورە گەورەترە لە کردنی قەدەغەکراوەکانی خوای گەورە .......)) الفوائد لاپەڕە ١٢٥ ــ ١٣٥
کەواتە ئەگەر ئیبلیس تەوبەی کردبا دەرگای تەوبە کراوە بوو ، بەلام تەوبەی نەکرد و بەردەوام بوو لەسەر خۆ بەگەورە دانان و لە خۆبایی بوون و وە بەڵێنی دا زۆربەیان گومڕا دەکەم .
ـــــــــــــــــــــــــــــــــــــــــــــــــــــــــــــــــــــــــــ