پرسیار // حوکمی تکبیر لێدان لە ڕۆژانی جەژن دوای نوێژە واجبەکان چییە ؟
وەلام // زانایان دەلێن تەکبیر لێدان لە جەژن سونەتێکە لە سونەتەکان ، دەبێت وا بکرێ کە فەرموودە پێی ھاتووە نەک گۆڕانکاری بەسەردابھێن و شت زیاد بکەیت .
ابن عثیمین ڕەحمەتی خوای لێ بێت دەفەرمووێت : (( تەکبیر لێدان لە دە ڕۆژی ذي الحجة تایبەت نییە بە دوای نوێژە واجبەکان ، ھەروەھا لە شەوی جەژنی ڕەمەزانیش تایبەت نییە بە دوای نوێژەکان ، تایبەت کردن بەدوای نوێژە واجبەکان جێگای تێڕوانینە ، پاشان ئەم تەکبیرانە بە کۆمەڵیش دەلێن ئەمەش جێگای تێڕوانینە ، چونکە پێچەوانەی کردەوەی پێشینەکانە ، وە وتنی تەکبیرەکان لەسەر سماعەش ئەمەش جێگای تێڕوانینە ، ئەمە سێ شت ھەموویان جێگای تێڕوانینن .
ئەوەی ڕێگە پیدراو بێت دوای نوێژەکان ئەو زیکرانەیە کە زانراون ، پاشان کە تەواو بوویت تەکبیر لێبدە ، ھەروەھا ڕێگەدراوە بەلام نەک ھەموو خەلک پێکەوە تەکبیر لێبدەن ، بەلکو ھەر یەکە بۆ خۆی تەکبیر لێدەدات ئەمەیان ڕێگە پێدراوە ھەروەک لە فەرموودەی ئەنەس ھاتووە کە ھاوەڵان لەگەڵ پێغەمبەر بوون سەلامی خوای لێ بێت لە حەج ، ھەبوو لا إلە إلا اللە دەوت وە ھەش بوو تەکبیر ھەر یەک بۆ خۆی دەوت . )) مجموع فتاوى الشيخ محمد بن صالح العثيمين رحمه الله تعالى - المجلد السادس عشر - صلاة العيدين.
زانایانی اللجنە الدائمە دەلێن : (( تەکبیر لیدان بە کۆمەڵ بە یەک دەنگ داھێنراوە ، لەبەر ئەوە لە پێغەمبەرەوە جێگیر بووە سەلامی خوای لێ بێت دەفەرمووێت " ھەر کەسێک ھەر شتێک دابھێنێت لە دین دا ، وە ئەو شتە نەبێت ئەوا ڕەت دەکرێتەوە " پێشینە چاکەکان ئەمەیان نەکردووە نە لە ھاوەڵان و تابعین و تابعی تابعین ، ئەوان پیشەوان ، واجبە شوێن بکەویت نەک شت زیاد بکەیت و دابھێنیت . )) فتاوی اللجنة الدائمة (8/311) .
پرسیار کرا لە شیخ الألبانی : ئایا تەکبیرەکانی ڕۆژەکانی جەژنی قوربان تایبەت بکرێ بە دوای نوێژەکان ؟
وەلام // نەخێر تایبەتی مەکە ، بەلکو تایبەت کردنی داھێنراوە ، تەکبیر لە ھەر کاتێکی ڕۆژەکانی جەژن بکەیت دروستە .
ـــــــــــــــــــــــــــــــــــــــــــــــــــــــــــــــــــــــــــــ