پرسیار : کەسێک دەیەوێت موبایلێک بکڕێت ، خاوەنی دوکان ئەو جۆرە موبایلەی نییە ، خاوەنی دەکان دەڵێت : ئەگەر بتەوێ بۆت دێنم ، وە بە قیستیش پێی دەفرۆشێت ؟
وەڵام : سەبارەت بەم جۆرە کڕین و فرۆشتەنە قسە لەسەریەتی لە دوو ڕوو :
(١) ئایا کڕین و فرۆشتنی بە قیست دروستە یان نە ؟
(٢) ئایا داخلی : (( ولا تبع ما لیس عندك )) دەبێت یان نە ؟
كرین و فرۆشتن بە قسط ، واتە بە چەند جار پارەی پێ دەدەیت نەک یەک جار ، ئەمەیان دوو حالەتە :
حالەتی یەکەم : ئەگەر کالا زیادەی نەخرێتە سەر ئەمەیان دروستە ، نموونە : کالا یەک نرخی ھەیە چ یەکسەر پارە بدەیت یان بە قەرز بە چەند جار پارە بدەیت ، ئەمەیان دروستە .
حالەتی دووەم : ئەگەر کالا بە نقدی ، واتە یەکسەر پارە بدات نرخێک بێت و وە بە قەرز گران تر بێت ، ئەمەیان جیاوازی ھەیە لە نێوان زانایان دوو وتە ھەیە :
یەکەم : ھەندێک زانا دەلێن نابێت حەڕمە و ڕیبایە .
دووەم : زۆربەی زانایان دەلێن دروستە کە ئەمە وتەی ھەر چوار مەزھەبەکانە .
ئەگەر ئەمە نەکرێت باشترە واللە أعلم .
بەلام ئەگەر کڕیار لە یەکێک لە مانگەکان پێی نەکرا قەرزی فرۆشیار بداتەوە یان قەرزەکەی لە کاتی خۆی نەداوە ، نابێت فرۆشیار زیادەی بخاتە سەر چونکە ئەمە ڕیبایە و حەڕامە .
زانایانی اللجنە الدائمە دەڵێن : (( ئەگەر مرۆڤێک داوا لە کەسێک بکات ئوتۆمبێلێکی دیاری کراو دەکڕێت ، یان وەسف کراوە بەو مواسفاتانەی کە دیارن ، وە بەڵێنی پێدا لێی دەکڕێت ، بۆی کڕی لە کەسێکی تر و وەریگرت ، دروستە ئەوەی داوای کردووە لێی بکڕێت بە نقدی یان قسط بە قازانجێکی دیاریکراو ، ئەمەیان داخلی ئەوە نابێت کڕین و فرۆشتنی شتێک لەلات نەبێت ، چونکە داوای کەل و پەلی لێکردووە و ئەویش پێی فرۆشتووە دوای ئەوەی کە کڕیویەتی و وەریگرتووە ، وە بۆی نییە بفرۆشێت بە ھاوڕێکەی پێش کڕین یان دوای کڕین و پێش وەرگرتنی ، لەبەر نەھی کردنی پێغەمبەر درود و سەلامی خوای لێ بێت لە فرۆشتنی کەل و پەل پێش ئەوەی وەریبگریت و بھێنیتە شوێنی فرۆشتن . )) " فتاوى اللجنة الدائمة " (١٥٣/١٣) .
——————————————————
Www.ferdaws.net