دەقی وەڵام:

وەلام // زانایان دەلێن وتنی یا رسول اللە ئەم چوار حالەتەیە :

حالەتی یەکەم // ئەگەر بلێت : یا رسول اللە مەبەستی دوعا کردن بێت یان الاستغاثة بێت ، دەلێین گومانی تێدا نییە شیرکی گەورەیە ، وە سەبارە بە الاستغاثة : واتە داواکردنە لە کاتی تەنگانەدا ، دوو وته هەیە ئایا چۆن دەبێت بە شیرک :

(١) هەندێک زانا دەلێن : إذا استغاث بالمخلوق فيما لايقدر عليه إلا الله : ئەگەر داواى لە دروستكراوەكان كرد له شتێک کە لە توانای دروستکراوەکاندا نيه ئيلا له تواناى خواى گەورەدايه .

(ب) هەندێک زانای تر دەلێن : اذا استغاث بالمخلوق فيما لايقدر عليه ذالك المخلوق : ئەگەر داواى لە دروستكراوەكان كرد لە شتێک کە لە توانای دروست کراو دا نيه .

جياوازى نيوان ئەم دوو وتەیە ، نموونە : ئەگەر يەكێك تووشى ناخۆشییەک ببێت بكەوێتە ناو ئاو بە پیاوێك بلێت كە مەلەوانيش نازانيت ( أستغيث بك ) من داوات لێ دەكەم ڕزگارم بكە ، لەسەر وتەى يەكەم نابێتە شیرك لەسەر وتەى دووەم دەبيتە شیرك كە وتەی ڕاست وتەى يەکەمه .

حالەتی دووەم // ئەگەر بلێت : یا رسول اللە بۆ ئەوەی سەلامی لێ بکات یان سەلاواتی لەسەر لێ بدات لەناو نوێژ ، ئەمەیان دروستە ، نموونە دەلێیت : السلام علیك یا رسول اللە ، بەلکو دەلێن سونەتە .

حالەتی سێیەم // ئەگەر بلێیت : یا رسول اللە وەک مەدح ، نموونە دەلێیت : یا رسول اللە تۆ حەقت گەیاند یان هۆکار بووی بۆ هیدایەت یان ، .... دەلێن ئەمەیان دروستە بەلام باشتر وایە بەکار نەهێنیت بۆ ئەوەی سەر نەکێشێت بۆ شتی خراپتر .

حالەتی چوارەم // ئەگەر بلێت : یا رسول اللە وەک تەوەسل ، دەلێین بیدعەیە ، نموونە دەلێت : یا رسول اللە اشفع لی : واتە ئەی نێردراوی خوا شەفاعەتم بۆ بکە ، دەلێین سەرەتا تووشی شیرکی گەورە بووە چونکە داوای شەفاعەتی لە پێغەمبەر کردووە کە مردووە ، دووەم دەلێین وشەی یا رسول اللە وەک تەوەسل بەکاری هێناوە ئەمەش بیدعەیە ، ئەم خالە هەندێک وردە ، تەوەسلی ڕێگە پێنەدراو ئەوەیە بلێیت بۆ خاتری پێغەمبەر یان فلانە پیاو چاک ، ئەمە دروست نییە بیدعەیە نەک شیرکە ، بەلام سەر ھۆکارە بۆ تووش بوون بە شیرک ، یەکێک دەلێت یا رسول اللە ئەم وشەی بەکار هێناوە وەک تەوەسل ئەمەیان بیدعەیە.

ابن عثیمین ڕەحمەتی خوای لێ بێت یەکێک لە قوتابییەکان لە لای وشەی یا رسول اللە دووبارە دەکردەوە ، ئینکاری لێی کرد ، قوتابییەکە لەبیری کرد دووبارەی کردەوە ، ابن عثیمین ئینكاری لێی کرد پێی وت دانیشە ، وە ڕێگری لێ کرد لە قسە کردن ، فەرمووی پێغەمبەر سەلامی خوای لێ بێت لە ناو گۆڕدایە نابێت بانگی بکەیت . ـــــــــــــــــــــــــــــــــــــــــــــــــــــــ