پرسیار: دەکرێت بە کورتی ڕوونکردنەوە بدرێت لەسەر مەزهەبی ئەهلی سونە سەبارەت بە قورئان؟
وەڵام: زانایان سەبارەت بە قورئان دەڵێن:
(١)قورئان وتەی خوای گەورەیە، جبریل علیە السلام لە لوح المحفوظ وەری نەگرتووە هەروەک ئەهل گومرایی ئەمە دەڵێن، هەروەها وتەی جبریل نییە و وتەی محمدیش نییە، بەڵکو وتەی خوای گەورەیە.
(٢)قورئان وتەی خوای گەورەیە دروستکراو نییە، هەروەها مەجازیش نییە هەروەک جەهمی و موعتەزیلە ئەمە دەڵێن.
(٣)هەر کەسێک گوێی لە قورئان بێت و بڵێت ئەمە وتەی مرۆڤە ئەوە تووشی کوفر بووە، چونکە ئینکاری وتەی خوای گەورەی کردووە.
(٤)لێکچوون نییە لەنێوان وتەی خوا و مرۆڤ، لەبەر جیاوازی لەنێوان سیفەتەکانی خالق و مخلوق.
(٥)بیدعەی کلام نفس لە کۆتایی قەڕنی یەکەم و سەرەتایی قەڕنی دووەم دروست بوو، ئەم وتەیە تناقضی تێدایە.
———————————————