دەقی وەڵام:

وەڵام: زانایان دەڵێن سەگی ڕەش نوێژ بەتال دەکاتەوە، بەڵگە:

(١)عَنْ أَبِي ذَرٍّ الْغِفَارِيِّ قَالَ: قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ: (يَقْطَعُ صَلاةَ الرَّجُلِ الْمُسْلِمِ إِذَا لَمْ يَكُنْ بَيْنَ يَدَيْهِ مِثْلُ مُؤْخِرَةِ الرَّحْلِ الْمَرْأَةُ وَالْحِمَارُ وَالْكَلْبُ الأَسْوَدُ) الْحَدِيثَ.

واتە: لە ئەبو زەڕ دەگێڕنەوە خوا لێی ڕازی بێت دەفەرمووێت: پێغەمبەر صلی اللە علیە وسلم فەرمووی: (نوێژی پیاوی موسلمان بەتال دەبێتەوە بە تێپەڕ بوونی ئافرەت و گوێ درێژ و سەگی ڕەش بە بەردەم نوێژیدا ئەگەر سوترەی لەبەردەم نەبوو بە قەد تەختەی دوای کۆپانی ولاغەوە).

(٢)عن أبي ذرٍّ رَضِيَ اللهُ عَنْه، عنِ النبيِّ صلَّى اللهُ عليه وسلَّم، قال: (تُعادُ الصلاةُ من ممرِّ الحمارِ، والمرأةِ، والكلبِ الأسودِ)، قلت: ما بالُ الأسودِ من الكلبِ الأصفرِ، من الكلبِ الأحمرِ؟! فقال: سألتُ رسولَ اللهِ صلَّى اللهُ عليه وسلَّم كما سألتَني، فقال: (الكلبُ الأسودُ شَيطانٌ) رواه ابن خزيمة (٨٣١)، وابن حبان (٢٣٩١). قال الألباني في (السلسلة الصحيحة) (٣٣٢٣): (إسناده صحيح رجاله ثقات رجال مسلم).

زانایان دەڵێن سەگ ئەم سێ حالەتانەن:

یەکەم: سەگێک ڕەنگی ساف ڕەشە و هیچ ڕەنگی تری لەگەڵی نییە، ئەمەیان نوێژ بەتال دەکاتەوە.

دووەم: سەگێک ڕەنگی ساف ڕەنگێکی ترە و هیچ ڕەنگی ڕەشی لەگەڵی نییە، ئەمەیان نوێژ بەتال ناکاتەوە.

سێیەم: سەگێک ڕەنگی ڕەش و ڕەنگی تری تێکەڵ بە یەک بووە، ئەمەیان نوێژ بەتال ناکاتەوە، ئیلا ئەگەر سەگێک هەمووی ڕەش بێت تەنها نێوان چاوانی سپی تێدا بێت بە ڕەش حساب دەکرێت، چونکە سەگی ڕەش هیچی ڕەنگی تری تێدا نەبێت زۆر کەمن، دەڵێن: ئەو سەگەی نێوان چاوانی کەمێک سپی یە بە ڕەش حساب دەکرێت

ابن عثیمین ڕەحمەتی خوای لێ بێت دەفەرمووێت: (سەگی ڕەش نوێژ بەتال دەکاتەوە جا چ سەگەکە گەورە بێت یان بچووک. سەگی بێجگە لە ڕەش نوێژ بەتال ناکاتەوە، بەڵام ئەگەر هەندێکی سپی بوو و هەندێکی تری زەرد بوو و زۆرینەی ڕەش بوو ئایا نوێژ بەتال دەکاتەوە؟

نوێژ بەتال ناکاتەوە، چونکە پێغەمبەر صلی اللە علیە وسلم مەرجی داناوە ڕەش بێت، ئیلا ئەوە نەبێت هەندێک زانا دەڵێن سەگ ئەگەر نێوان چاوانی سپی تێدا بێت بە ڕەش حساب دەکرێت، چونکە سەگی ڕەش هیچی ڕەنگی تری تێدا نەبێت زۆر کەمن، دەڵێن: ئەو سەگەی نێوان چاوانی کەمێک سپی یە بە ڕەش حساب دەکرێت) فتح ذي الجلال والإکرام (٢/٤٤٢-٤٤٣).