سەردێری پرسیار:حوکمی تەوقە کردن و ماچ کردنی پوری باوک یان هی دایک؟

بەرواری دانان :2020-02-17 کۆدی پرسیار:1789

پرسیار:

پرسیار: حوکمی تەوقە کردن و ماچ کردنی پوری باوک یان هی دایک؟

دەقی وەڵام:

وەڵام: زانایان دەڵێن پوری باوک و پوری دایک لە مەحرەمەکانن، دروستە ماچیان بکەیت.

ابن عثیمین ڕەحمەتی خوای لێ بێت دەفەرمووێت: (بزانە خالەت و مەتی هەر کەسێک هی نەوەکانیشە، مەتی باوک "واتە پور" مەتی تۆشە، خالەتی باوکت خالەتی تۆشە، هەروەها مەتی دایکت مەتی تۆشە، وە خالەت دایکت خالەتی تۆشە، هەروەها مەت و خالەتی باب و باپیرانیشت مەت و خالەتی تۆشن) فتاوی ٳسلامیە (۳/۱۳۱).

زانایان دەلێن ماچ کردنی مەحرەمەکان وەک دایک و کچ و خوشک و خالەت (پوور) وە مەحرەمی تری هاوشێوەی ئەمانە دروستە بەلام بە مەرج: 

یەکەم: دەبێت ئەم ماچ کردنە بۆ ڕەحمەت و سۆز بێت نەک یاری کردن بێت. 

دووەم: دەبێت ماچ کردنی ڕوخسار یان نێوا چاوان یان سەر بێت، نابێت دەمی ماچ بکەیت، ئەوەی لەهەمووان باشتر بێت سەرە بۆ ماچ کردن. 

سێیەم: دەبێت دڵنیا بێت کە فیتنە دروست نابێت بۆ ماچ لێدەر و ماچ لێدراو، بەتایبەتی ئەگەر بزانی لە ڕووی دین لاوازە. 

چوارەم: هەروەها دەلێن مەحرەم دەبێت هی نەسەب بێت، نەک هی شیرخواردن بێت لە ژنێکی تر، باشتر وایە مەحرەمی شیری وازی لێ بهێنی و ماچی نەکەیت. 

تەوقە کردنیش هەمان شتە بەڵام هەندێک سوکترە لە ماچ کردن.

لیستی بەشەکانی پرسیار و وەڵام