پرسیار: برادەرێک لەناو معرەز ئۆتۆمبێلێکی فرۆشت، عەقدیان نووسی بەس پارەی عەقد و سەیارەکەشی نەدا وتی سبەی پارەکەتان بۆدێنم، سبەی کەهاتەوە وتی: سەیارەکەم ناوێ لێم وەرگرنەوە خۆی پەشیمان بووە سەیارەکە بێ عەیب بوو بەس وتی: نامەوێ برادەرەکەش وتی: دەبێ(٢٠٠)دۆلارم بدەیتێ ئەو جا لێت وەردەگرمەوە، ئەوپارەیەی کەوەری گرتۆتەوە حەرامە یان نا؟
وەڵام: کڕین و فرۆشتن ئەگەر تەواو بوو مە مەرج و ڕوکنەکانەوە، ئەوە هەردوو دەبێت پابەند بن بە عەقدەکە، هەردوولا بۆیان نییە عەقدەکە فەسخ بکەن ئەگەر یەکتریان سەرپشک نەکردبێت، بەڵام ئەگەر فرۆشیار و کڕیار وا ڕێک بکەون هەتا چەند ڕۆژێک بۆیان هەیە پەشیمان ببنەوە ئەمەیان دروستە.
بەڵام گومانی تێدا نییە سونەتە فرۆشیار لێبوردە بێت بەرامبەر کڕیار خوای گەورە پاداشتی بۆی داناوە لەسەر ئەم چاکە کردنە بەرامبەر فرۆشیار.
پێغەمبەر صلی اللە علیە وسلم دەفەرمووێت: (من أقال مسلما بیعتە أقال اللە عثرتە) رواە أبو داود.
الإقالة: داواکردنی فەسخ کردنی عەقدە، یەکێک لە لایەنەکان پەشیمان دەبێتەوە بێ ئەوەی شتەکە یان کەل و پەلەکە عەیبی هەبێت، هەندێک جار کڕیار داوا دەکات، وە هەندێک جاریش فرۆشیار داوا دەکات، گومانی تێدا نییە إقالن سونەتە بەڵکو هەندێک زانا بۆ ئەوە چوون واجبە.
زانایان دەڵێن إقالة دەکرێت بە مەرج:
١-دەبێت هەردوولا ڕازی بن.
٢-دەبێت هەردوو لا ئامادەبن و لە یەکتر وەربگرن، نەوەک شتی ڕیبەوی بێت، ئەگەر ڕیبەوی بێت دەبێت دەست بە دەست بێت.
٣-دەبێت کڕیار و فرۆشیار زیندوو بن کاتی إقالە، ئەگەر یەکیکیان مردبێت ئەکات إقالە پووچ دەبیت.
٤-دەبیت إقالە بکرێت بێ کەم و زیادە، وە دەبێت بە نرخی ئەو ڕۆژە بێت کە عەقدەکە کراوە.
سەبارەت بە وەرگرتنی ٢٠٠$ بەرامبەر فسخ کردنی عەقدەکە زانایان دەڵین نابێت وەربگریت، ئەگەر پێش وەقت وا ڕێک بکەوتبان دەبێت ٢٠٠$ م پێبدەی ئەگەر پەشیمان ببیتەوە، ئەو کات دەبوو عربون، سەبارەت بە عربون ئەو وتەی دەڵێت عربون دروستە وتەیەکی بەھێزە، بەڵام ئەگەر وازی لێ بھێنێت و وەری نەگرێت باشترە بۆی، چونکە پێغەمبەر درود و سەلامی خوای لێ بێت دەفەرمووێت: (من أقال مسلما أقالە اللە عثرتە یوم القیامة)، وە لە جیاوازی نێوان زانایان ڕزگات دەبێت .