دەقی وەڵام:

وەڵام: هەندێک ئەهلی کەلام و جەهمی و موعتەزیلە بۆ ئەوە چوون ڕوح بەشێکە لە لاشەی مرۆڤ، یان سیفەتێکە لە سیفەتەکانی لاشەی مرۆڤ، ئەهلی سونە دەڵێن ڕوح سەربەخۆیە و جیایە لە لاشە، هەروەها فەلاسفە بۆ ئەوە چوون ڕوح مخلوق نییە، کە ئەمە پێجەوانەی ئیجماعی ئەهلی سونەیە.

ابن تیمییە ڕەحمەتی خوای لێ بێت دەفەرمووێت: (ڕوحی مرۆڤ دروستکراوە بە یەک دەنگی هەموو پێشینەکان و ئەهلی سونە، چەندین پێشەوایان ئیجماعیان نقل کردووە) مجموع الفتاوی (٤/٢١٦).

گومانی تێدا نییە ئەسلی مرۆڤ خۆڵ بووە و لە خۆڵ دروستکراوە، بەڵام سەبارەت بە ڕوح زانایان دەڵێن ڕوح سەربەخۆیە و جیایە لە لاشە، کەواتە نابێت بڵێیت ڕوحیش وەک لاشەیە و ئەسلی ڕوحیش خۆڵە، هیچ بەڵگە نەهاتوون لەسەر ئەوە ڕوح لە چی دروستکراوە، عیلم و زانست کەم باسکراوە سەبارەت بە ڕوح.

خوای گەورە دەفەرمووێت: (وَيَسْأَلُونَكَ عَنِ الرُّوحِ قُلِ الرُّوحُ مِنْ أَمْرِ رَبِّي وَمَا أُوتِيتُمْ مِنَ الْعِلْمِ إِلَّا قَلِيلًا) {الإسراء:٨٥}.

واتە: پرسیارت لێ ده‌که‌ن ده‌رباره‌ی ڕۆح (که چیه‌و چۆنه‌؟) بڵێ: ڕۆح به‌شێکه له‌فه‌رمانی په‌روه‌ردگارم و به‌ده‌ست ئه‌وه (من نازانم چیه‌و چۆنه‌)و هیچتان پێنه‌به‌خشراوه له عیلم و زانست ته‌نها شتێکی که‌م نه‌بێت.