سەردێری پرسیار:ئایا ئەو بەهەشتەی ئادەم چووە ناوی بەهەشتی هەتا هەتاییە یان بەهەشتێکی تر بوو؟

بەرواری دانان :2020-04-04 کۆدی پرسیار:1896

پرسیار:

پرسیار: ئایا ئەو بەهەشتەی ئادەم چووە ناوی بەهەشتی هەتا هەتاییە یان بەهەشتێکی تر بوو؟

دەقی وەڵام:



وەڵام: زانایان دەڵێن ئەو بەهەشتەی ئادەم چووە ناوی ئەو بەهەشتەیە کە خوای گەورە بەڵێنی بە ئیمانداران داوە بە ڕەحمی خۆی داخلیان دەکات.

ابن تیمییە ڕەحمەتی خوای لێ بێت دەفەرمووێت: (ئەو بەهەشتەی خوای گەورە ئادەم و خیزانی تێدا نیشتەجێ کرد، لای زۆربەی پێشەوانیانی ئەهلی سونە بەهەشتی هەتا هەتاییە) مجموع الفتاوی (٤/٣٤٧).

ابن عثیمین ڕەحمەتی خوای لێ بێت دەفەرمووێت: (وتەی ڕاست ئەو بەهەشتەی خوای گەورە ئادەم و خیزانی تێدا نیشتەجێ کرد ئەو بەهەشتەیە کە بەڵێنی بە تەقواداران داوە، چونکە بە ئادەم دەڵێت: "اسْكُنْ أَنْتَ وَزَوْجُكَ الْجَنَّةَ"،بەهەشت بە اطلاق بەهەشتی هەتا هەتاییە لە ئاسمان) مجموع فتاوى ورسائل ابن عثيمين (٢/٥١).

ئەم بابەتە جیاوازی هەیە لەنێوان زانایان، هەر کەسێک بییەوێت بگەرێتەوە بە دریژی لەسەر بخوێنێتەوە با بگەڕێتەوە بۆ کتابی: مجموع الفتاوى (٤/٣٤٧-٣٤٩)، حادي الأرواح لاپەڕە ١٩-٤٥.

لیستی بەشەکانی پرسیار و وەڵام