پرسیار:حوکمی تیروپشکی مارکتەکان و موڵەکان چیە؟ لە چ کاتێک حرامە؟ و لە چ کاتیک دروستە؟
وەڵام: زانایان سەبارەت بە خاوەنی مارکێت دەڵێن: خاوەنی مارکێت کاتێک هەدیە بۆ کڕیارەکان دادەنێت و ناویان دەخاتە تیروپشکەوە دوو ئەگەری هەیە:
یەکەم: ئەگەر لەسەر حسابی گران کردنی کەل و پەل تیروپشک دابنێت، واتە: کەل و پەل گران بکات بۆ ئەوەی بتوانێت هەدیە ئامادە بکات بۆ تیروپشک، ئەمەیان دروست نییە و حەڕامە.
دووەم: ئەگەر لەسەر حسابی گران کردنی کەل و پەل نەبێت و دەستکاری نرخەکان نەکات، ئەمەیان هیچی تێدا نییە.
زانایان سەبارەت بە کڕیاریش دەڵێن: کڕیار کاتێک کەل و پەل دەکڕێت دوو ئەگەری هەیە:
یەکەم: ئەگەر کەل و پەل بکڕێت پێویستی پێی هەبێت، وە نییەتی بەدەست هێنانی هەدیەشی هەیە، ئەمەیان هیچی تێدا نییە.
دووەم: ئەگەر کەل و پەل بکڕێت پێویستی پێی نەبێت، تەنها لەبەر هەدیە دەکڕێت، ئەمەیان دروست نییە.