دەقی وەڵام:

وەڵام: زانایان دەڵێن دروستە زەکات بدەیتە خزمەتکار ئەگەر شایستەی زەکات بێت، یان لەوانە بێت کە زەکاتی پێ دەشێت کە خوای گەورە باسی کردوون.

خوای گەورە دەفەرمووێت: (إِنَّمَا الصَّدَقَاتُ لِلْفُقَرَاءِ وَالْمَسَاكِينِ وَالْعَامِلِينَ عَلَيْهَا وَالْمُؤَلَّفَةِ قُلُوبُهُمْ وَفِي الرِّقَابِ وَالْغَارِمِينَ وَفِي سَبِيلِ اللَّهِ وَابْنِ السَّبِيلِ فَرِيضَةً مِنَ اللَّهِ وَاللَّهُ عَلِيمٌ حَكِيمٌ) {التوبة:60}.

واتە: زەکات ھەر بۆ ھەژار و بێ نەوایان و کرێکارانی کۆکەرەوەی زەکات و بەوانەی ئومێد ھەیە لە ئاییندەدا دڵیان بە ئیسلامەوە ھۆگربێ، وە بۆ ئازادکردنی بەندە و ئەسیرەکان وە بۆ قەرزارەکان و ئەوانەی لە پێناو خوای گەورە دەجەنگن و وە بۆ ڕێبوارەکان، ئەمە شتێکە خوای گەورە دیاری کردووە و بڕیاری لەسەر داوە و خوا زانایە و کار بەجێ و لە کارزانە.

کەواتە ئەگەر خزمەتکار لەو بەشانە بێت کە زەکاتی پێ دەشێت دروستە زەکاتی پێ بدەیت، بەڵام بە مەرجێک نابێت مەسلەحەتی خاوەنی زەکاتی تێدا بێت، واتە نابێت مەسلەحەتی ئەو کەسەی تێدا بێت کە زەکات دەدات، وەک ئەوەی زیاتر کار بە خزمەتکارەکە بکات یان خزمەتکار تنازل لە هەندێک مافەکانی خۆی بکات.

ابن عثیمین ڕەحمەتی خوای لێ بێت دەفەرمووێت: (بەڵی دروستە زەکات بە کرێکار بدات ئەگەر لەلات کار بکات ئەگەر لەوانە بێت کە زەکاتی پێ دەشێت، وەک ئەوەی خێزانی لەبەردەستە و مووچەی بەشیان ناکات، یان قەرزی لەسەرە و مووچەیان بەشیان ناکات بۆ ئەوەی قەرز بدەنەوە، نموونەی تری وەک ئەمە، ئەوەی گرینگ بێت ئەگەر ئەهلی زەکات بێت هیچی تێدا نییە زەکاتی پێ بدەیت ئەگەر کرێکار بێت یان خزمەتکار بێت لەلای) فتاوى الزكاة لاپەڕە (٣٥٠).