دەقی وەڵام:

وەڵام: ئەگەر ئافرەت تووشی حەیز بوو لە کاتی بەڕۆژوو بووندا ڕۆژووی بەتال دەبێتەوە ئەگەر چی بە ماوەیەکی کەمیش بێت پێش خۆر ئاوابوون، واجبە لەسەری قەزا بکاتەوە ئەگەر ڕۆژووی واجب بوو، وە حەڕامە لەسەر ڕۆژوو بەردەوام بێت ئەگەر تووشی حەیز بوو.

ئیمام النووی ڕەحمەتی خوای لێ بێت دەفەرمووێت: (هەموو ئومەت یەک دەنگن لەسەر حەڕامی ڕۆژوو لەسەر حائض و نفساء، وە ڕۆژووی دروست نییە، هەموو زانایان یەک دەنگن لەسەر قەزا کردنەوەی ڕۆژووی ڕەمەزان). المجموع (2/386).

ابن قدامە ڕەحمەتی خوای لێ بێت دەفەرمووێت: (هەموو زانایان یەک دەنگن حائض و نفساء بۆیان حەڵاڵ نییە بەڕۆژوو بن، هەردووکیان دەبێت ڕۆژوو بشکێنن و قەزا بکەنەوە، ئەگەر بە ڕۆژوو بن ڕۆژوویان دروست نییە، بەڵگە:

قَالَتْ عَائِشَةُ: "كُنَّا نَحِيضُ عَلَى عَهْدِ رَسُولِ اللَّهِ صلى الله عليه وسلم فَنُؤْمَرُ بِقَضَاءِ الصَّوْمِ , وَلا نُؤْمَرُ بِقَضَاءِ الصَّلاة". مُتَّفَقٌ عَلَيْهِ.

ئەم فەرمانە هی پێغەمبەری خوا بوو صلی اللە علیە وسلم.

وَقَالَ أَبُو سَعِيدٍ : قَالَ النَّبِيُّ صلى الله عليه وسلم: "أَلَيْسَ إحْدَاكُنَّ إذَا حَاضَتْ لَمْ تُصَلِّ وَلَمْ تَصُمْ , فَذَلِكَ مِنْ نُقْصَانِ دِينِهَا". رَوَاهُ الْبُخَارِيُّ.

حائض و نفساء وەک یەک وان، چونکە خوێنی نفاس خوێنی حەیزە، حوکمەکەی هەمان حوکمە، هەر کاتێک حەیز هات لە بەشێکی ڕۆژدا ڕۆژووی بەتال دەبێتەوە، جا سەرەتایی ڕۆژ بێت یان کۆتایی ڕۆژ). المغني (4/397).