دەقی وەڵام:

وەڵام: هەموو زانایان یەک دەنگن تەکبیر لێدان لە جەژنی قوربان سونەتێکە لە سونەتەکان، بەڵام دەبێت بەو شێوەیە بکرێت کە فەرموودە پێی ھاتووە نەک گۆڕانکاری بەسەردابھێنن و شت زیاد بکەن.

ابن تیمیە ڕەحمەتی خوای لێ بێت دەفەرمووێت: (تەکبیرەکانی جەژنی قوربان جەخت لێیکراوەتەوە دوای نوێژەکان، ئەمەیان هەموو زانایان لەسەری یەک دەنگن). الفتاوى الكبرى (٥/٣٥٧).

ابن عثیمین ڕەحمەتی خوای لێ بێت دەفەرمووێت: (تەکبیر لێدان لە دە ڕۆژی ذي الحجة تایبەت نییە بە دوای نوێژە واجبەکان، ھەروەھا لە شەوی جەژنی ڕەمەزانیش تایبەت نییە بە دوای نوێژەکان، تایبەت کردن بەدوای نوێژە واجبەکان جێگای تێڕوانینە، پاشان ئەم تەکبیرانە بە کۆمەڵیش دەلێن ئەمەش جێگای تێڕوانینە، چونکە پێچەوانەی کردەوەی پێشینەکانە، هەروەها وتنی تەکبیرەکان لەسەر سماعەش ئەمەش جێگای تێڕوانینە، ئەمە سێ شت ھەموویان جێگای تێڕوانینن.

ئەوەی ڕێگە پیدراو بێت دوای نوێژەکان ئەو زیکرانەیە کە زانراون، پاشان کە تەواو بوویت تەکبیر لێبدە، ھەروەھا ڕێگەدراوە بەلام نەک ھەموو خەلک پێکەوە تەکبیر لێبدەن، بەلکو ھەر یەکە بۆ خۆی تەکبیر لێدەدات ئەمەیان ڕێگە پێدراوە ھەروەک لە فەرموودەی ئەنەس ھاتووە کە ھاوەڵان لەگەڵ پێغەمبەر بوون درود سەلامی خوای لێ بێت لە حەج ، ھەبوو لا إلە إلا اللە دەوت وە ھەش بوو تەکبیر ھەر یەک بۆ خۆی دەوت). مجموع فتاوى الشيخ محمد بن صالح العثيمين رحمه الله تعالى - المجلد السادس عشر - صلاة العيدين.

زانایانی اللجنە الدائمە دەلێن : (تەکبیر لیدان بە کۆمەڵ بە یەک دەنگ داھێنراوە، لەبەر ئەوە لە پێغەمبەرەوە جێگیر بووە سەلامی خوای لێ بێت دەفەرمووێت" ھەر کەسێک ھەر شتێک دابھێنێت لە دین دا، وە ئەو شتە نەبێت ئەوا ڕەت دەکرێتەوە "پێشینە چاکەکان ئەمەیان نەکردووە نە لە ھاوەڵان و تابعین و تابعی تابعین، ئەوان پیشەوان، واجبە شوێن بکەویت نەک شت زیاد بکەیت و دابھێنیت). فتاوی اللجنة الدائمة (٨/٣١١).

پرسیار کرا لە شیخ الألبانی: ئایا تەکبیرەکانی ڕۆژەکانی جەژنی قوربان تایبەت بکرێ بە دوای نوێژەکان؟

وەلام: نەخێر تایبەتی مەکە، بەلکو تایبەت کردنی داھێنراوە، تەکبیر لە ھەر کاتێکی ڕۆژەکانی جەژن بکەیت دروستە.