پرسیار: ئەو گۆشتەی لە کوردستان سەردەبڕدرێت چ گۆشتی ئاژەڵ بێت یان مریشک دروستە بخۆیت؟
وەڵام: زانایان دەڵێن ئەسل وایە دەبێت گومانی باش ببەیت لە وڵاتی موسلمانان هەتا بۆت ڕوون دەبێتەوە، کەواتە گۆشتی ئاژەڵ و مریشک لە چێشتخانەکانی موسلمانان حەڵاڵە، نابێت زیادەڕەوی بکەیت و پرسیار بکەیت ئیلا ئەگەر دڵنیابیت بە ڕێگای ناشەرعی سەربڕدراوە یان بسم اللە لەسەری نەهێنراوە.
پرسیار کراوە لە عثیمین: حوکمی ئەم کردەوەیە چییە هەندێک لە براکان دەیکەن کاتێک دەچن بۆ چێشتخانە پرسیاری ئەو مریشکانە لێیان دەکەن، زۆر پرسیاری لێ دەکەن دەڵێن ئەمە باشترە لە بابی وەرع هەتا تووشی گومان نەبین؟
لە وەڵام دا دەفەرمووێت: (ئەمە لە بابی وەرع نییە، وەرع ئەوەیە شوێن سونەت بکەویت، وەرع ئەوە نییە زیادەڕەوی بکەیت، بەڵکو ئەمە بەهیلاک چوونە، هەروەک پێغەمبەر درود و سەلامی خوای لێ بێت دەفەرمووێت: "هلك المتنطعون"، سێ جار ئەمەی دووبارە کردەوە.
عائیشە خوا لێی ڕازی بێت دەفەرمووێت: "خەڵکانێک هاتن بۆ لای پێغەمبەری خوا صلى الله عليه وسلم، گوتیان: ئەی پێغەمبەری خوا خەڵکانێک دێنە لامان گۆشتمان بۆ دێنن ئێمە نازانین ناوی خوای لەسەر هێنراوە یان نە؟ پێغەمبەر درود و سەلامی خوای لێ بێت فەرمووی: ناوی خوای لەسەر بڵێن و بیخۆن). لقاء الباب المفتوح.
سەبارەت بە قەساب یان مریشک فرۆش ئەگەر یەقیت هەبێت ئەمانە نوێژ ناکەن و بسم اللە لەسەر سەربڕین ناڵێن، لەم حالەتە نابێت لەمانە بکڕیت و نابێت ئەو گۆشتە بخۆیت، واللە أعلم.