دەقی وەڵام:

وەڵام: زانایان دەلێن تەوەسل ھەیە دروستە و ھەیە شیرکە و ھەیە بیدعەیە. تەوسولی ڕێگەپێدراوە:

١-تەوەسول بەناو و سیفەتەکانی خوای گەورە.

٢-تەوەسول کردن بە کردەوەی باش و ئیمان هێنان بە خوا و پێغەمبەر.

٣- تەوەسل کردن بە باس کردنی حالی خۆی، واتە دوعاخوێن باسی حالی خۆی بکات و لەگەڵ پێویستی خۆی، لەوانە وتەی موسا سەلامی خوای لێ بێت: (رب إني لما أنزلت إليّ من خير فقير) [سورة القصص: الآية ٢٤].

٤-تەوەسل کردن بە دوعای پیاوێکی باش کە زیندوو بێت و ئومێدی قبول بوونی دوعای ھەبێت، چونکە ھاوەڵان داوایان لە پێغەمبەر دەکرد دوعا بکات بۆیان بە شێوەیەکی گشتی، یان دوعای خاص.

تەوەسولی شیرک:

١- تەوەسل بکات بە دوعای مردوو و داوای لێ بکات دوعا بۆی بکات لە خوا، ئەمە وەسیلەی شەرعی و ڕاست نییە، بەلکو لە بێ عەقلی داوا لە مردوو بکەیت بۆ ئەوەی دوعات بۆ بکات لەخوا.

تەوەسولی بیدعە:

١-تەوەسول کردن بە جاهی پێغەمبەر درود و سەلامی خوای لێ بێت و فریشتەکان و پیاوچاکان، ئەمەیان بیدعەیە و هۆکارە بۆ تووش بوون بە شیرک.

صالح الفوزان خوا بیپارێزێت دەفەرمووێت: (ابن تیمییە ڕەحمەتی خوای لێ بێت دەفەرمووێت: "واسطە ھەیە ھەر کەسێک ئینکاری بکات ئەوە تووشی کوفر بووە، وە واسطە ھەیە ھەر کەسێک دانی پیا بنێت تووشی کوفر بووە".

ئەو واستەی ئینکاری بکەیت تووشی کوفر بوویت کامەیە؟

ئەوە پێغەمبەرەکانن، ئەوان واستەن لە نێوان خوا و بەندەکانی بۆ گەیاندنی ڕیسالە و فەرمان و نەھی، ھەر کەسێک ئینکاری بکات تووشی کوفر بووە، چونکە ئینکاری ڕیسالەی پێغەمبەرانی کردووە.

وە واستە ھەیە ھەر کەسێک دانی پیا بنێت ئەوە تووشی کوفر بووە، ئەویش ئەوەیە مرۆڤ واسطە لەنێوان خۆ و خوا دابنێت بۆ گەیاندنی پێویستی یەکانی و بەرزکردنەوەی دوعاکانی). إعانة المستفيد.

گوتنی: خوایە بۆ خاتری پێغەمبەر یان فریشتەکان دوعاکەم قبول بکە، یان ئەو شتەم بۆ بکە، ئەمەیان بیدعەیە شیرک نییە، بەڵکو هۆکارە بۆ تووش بوون بە شیرک، واللە ٲعلم.