دەقی وەڵام:

وەڵام: سەبارەت بە تەرک کردنی کردەوە لەبەر خەڵک ئایا دەبێتە ڕیا یان نە، دوو وتە هەیە:

یەکەم: هەندێک زانا بۆ ئەوە چوون تەرک کردنی کردەوە لەبەر خەڵک هەتا تووشی ڕیا نەبێت دەبێتە ڕیا، ڕیاش شیرکی بچووکە.

دووەم: هەندێک زانای تر بۆ ئەوە چوون تەرک کردنی کردەوە لەبەر خەڵک نابێتە ڕیا.

فضیلی كوڕی عیاض ڕەحمەتی خوای لێ بێت دەفەرمووێت: تەرک کردنی کردەوەی باش لە بەر خەڵکی نەوەک تووشی ڕیا ببێت ئەمەش ڕیایە، دەڵێن چۆن کردنی کردەوە لەبەر خەڵک ڕیایە، وازهێنانيشی لەبەر خەڵکی بە هەمان شێوە ڕیایە.

دەڵێین گومانی تێدا نییه ئەگەر ئیخلاسی تەواو بێت خەڵک کاری تێ ناکات بۆ کردن و نەکردنی کردەوەی باش، بەڵام بڵێیت تووشی ریاء بووە وەستان لەم بابەتە باشترە، چونکە کەسەکە لەبەر ئەوە کردەوە ناکات تا تووشی ریاء نەبێت، چۆن دەبێت پێی بڵێی تووشی ڕیا بوویت؟! کامەیان باشترە کردەوە بکات تووشی ریاء بێت یان نەيکات تا تووش نەبێت؟! دەلێین گومانی تێدا نییە تووشی دەردێک بووە پێویستی بە چارەسەرە، لەحالەتێک تووشی ڕیا بووە ئەگەر کردەوە تەرک بکات هەتا خەڵک مەدحی بکەن بڵێن کەسێکی نییەت پاکە لەبەر ئەوە کردەوەی تەرک کرد تا تووشی ڕیا نەبێت، واللە ٲعلم.

هەموو ئەمانە وەسواسی شەیتانن پیلانی شەیتان لاوازە، کردەوەی باش بکە و پشت بەخوا ببەستە، خوای گەورە بۆت ئاسان دەکات.