سەردێری پرسیار:حوکمی خوێندنەوەی سورەتی موڵک لە شەودا؟

بەرواری دانان :2020-11-30 کۆدی پرسیار:2270

پرسیار:

پرسیار: حوکمی خوێندنەوەی سورەتی موڵک لە شەودا؟

دەقی وەڵام:



وەڵام: زانایان دەڵێن سونەتە سورەتی موڵک لە شەودا بخوێندرێ، بەڵگە:

١- عن أبي هريرة رضي الله عنه عن النبي صلى الله عليه وسلم قال: (إِنَّ سُورَةً مِنْ الْقُرْآنِ ثَلَاثُونَ آيَةً ، شَفَعَتْ لِرَجُلٍ حَتَّى غُفِرَ لَهُ، وَهِيَ سُورَةُ تَبَارَكَ الَّذِي بِيَدِهِ الْمُلْكُ). رواه الترمذي (2891) وأحمد في مسنده (7915) ، وحسنه الشيخ الألباني رحمه الله في "صحيح سنن الترمذي".

واتە: لە ئەبو هوڕەیڕە دەگێڕنەوە خوا لێی ڕازی بێت دەفەرمووێت: پێغەمبەری خوا صلى الله عليه وسلم فەرمووی: (سورەتێک لە قورئان دایە سی (٣٠) ئایەتە، شەفاعەتی بۆ پیاوێک کرد هەتا خوای گەورە لێی خۆش بوو، ئەویش سورەتی "تَبَارَكَ الَّذِي بِيَدِهِ الْمُلْكُ").

٢- عن جابر رضي الله عنه: (أن النبي صلى الله عليه وسلم كان لا ينام حتى يقرأ آلم تنزيل، وتبارك الذي بيده الملك). وروى الترمذي (2892) وأحمد (14249)، وصححه الشيخ الألباني رحمه الله في " صحيح سنن الترمذي".

لە جابر دەگێڕنەوە خوا لێی ڕازی بێت دەفەرمووێت: پێغەمبەری خوا درود و سەلامی خوای لێ بێت نەدەخەوت هەتا سورەتی سەجدە و مولکی دەخوێند).

باشتر وایە سورەتی مولک بخوێنی هەموو شەوێک پێش نووستن، لەبەر کردەوەی پێغەمبەری خوا صلى الله عليه وسلم، ئەگەر لە نوێژی عیشادا بخوێنێ یان شەو نوێژ دروستە، اللە أعلم.

لیستی بەشەکانی پرسیار و وەڵام