دەقی وەڵام:

وەڵام: زانایان دەڵێن ئەو ئاوانەی لە ئافرەت دەردەچن ئەم سێ ئاوانەن:

یەکەم: مەنی ئافرەت، سەبارەت بە سیفەتەکانی:

١-ئاوێکی ڕۆنە و ڕەنگی زەردە، لە هەندێک ئافرەتی ڕەنگی سپی یە، هەروەک فەرموودە هاتووە دەفەرمووێت: (إن ماء الرجل غليظ أبيض، وماء المرأة رقيق أصفر). رواه مسلم (311) .

٢-بۆنی وەک بۆنی قوڕ یان نزیکە لە بۆنی هەویر.

٣-لە کاتی دەرچوونی هەست چێژ و خۆشی دەکرێت، دوای دەرچوونی خاوبوونەوەی بەدوایە.

دووەم: مەزی، سەبارەت بە سیفەتی:

١-ئاوێکی سپی یە لینجە.

٢-دەردەچێت کاتی هەستانی شەهوەت یان بیرکردنەوە، کاتی دەرچوونی هەست بەخۆشی ناکەیت و دوای دەرچوون هەست بە خاوبوونەوە ناکرێت.

سێیەم: رطوبەی فەرجی ئافرەت، سەبارەت بە سیفەتی:

١-ئاوێکە لە فەرجی ئافرەت دەردەچێت ئافرەت هەستی پێ ناکات، ئافرەت بۆ ئافرەت جیاوازە بۆ زۆری و کەمی.

سەبارەت بە حوکمیان:

یەکەم: مەنی و رطوبەی ئافرەت پاکن، واجب نیە جل و بەرگ بشۆیت ئەگەر بەریان کەوت، سەبارەت بە مەزی پیسە.

دووەم: بە دەرچوونی مەنی خۆشۆردن واجب دەبێت، بەڵام بە دەرچوونی مەزی و رطوبەی ئافرەت دەست نوێژ گرتنەوە واجب دەبێت، بەڵام ئەگەر رطوبەی ئافرەت بەردەوام بوو ئەوکات واجبە دوای کاتی هەموو نوێژێک دەست نوێژ بگرێتەوە.