پرسیار: حوکمی خەم خواردن بۆ کەسێک لەسەر کوفر مردووە؟
وەڵام: زانایان دەڵێن خەفەتبار بوون بۆ کافرێک مردووە لەسەر کوفر دوو حالەتە:
یەکەم: ئەگەر لە بابی سۆز و بەزەیی گشتی بێت، وەک ئەوەی باوکی یان برایی یان دایکی لەسەر کوفر دەمرن، یان کەسێک زۆر کردەوەی خێر و باشی کردووە لەسەر کوفر مردووە کەسێک بۆی خەمبار دەبێت، ئەمەیان هیچی تێدا نییە.
دووەم: ئەگەر خەفەتبار بوونێک نەفی بەرائەتی موشریکەکان بکات، یان کەم و کوڕی بێت لە بەرائەتی موشریەکان و دینیان و ڕق لێ بوونەوەیان، یان باوەڕی وابێت ئەو کردەوەی باشەی لە دونیا کردوویەتی دەبێتە کەفارەتی کوفرەکەیان، یان هەر بیروباوەڕێکی تری پوچ، ئەوە ئەم خەفەتباربوونە حەڕامە و کەم و کوڕییە لە (الولاء والبراء).