سەردێری پرسیار: ئەو شوێنانەی شەرع قەدەغەی کردووە مرۆڤ حاجەتی خۆی تێیدا بکات کامەن؟

بەرواری دانان :2021-03-24 کۆدی پرسیار:2365

پرسیار:

پرسیار: ئەو شوێنانەی شەرع قەدەغەی کردووە مرۆڤ حاجەتی خۆی تێیدا بکات کامەن؟

دەقی وەڵام:



وەڵام: زانایان دەڵێن نابێت حاجەتی خۆت بکەیت لەم شوێنانە:

- لەسەر ڕێگای خەڵک.

- لەژێر سێبەری خەڵک.

- لەبەر هەتاو و شوێنی دانیشتنی خەڵک لە زستاندا.

- لەژێر داری بەرووم دار.

- لە گۆم و حەزوی ئاودا.

- لە قەراخ چەم و جۆگە و ئاوی ڕەواندا.

- سەرئاو کردن لە قەراخ ئاوی خواردنەوە و لەلای سەرچاوە و کارێز و کانی یەکاندا.

زانایان دەڵێن حاجەت کردن لەم شوێنانە ئازاردانی خەڵکی تێدایە، لەوانە:

- بۆنی ناخۆشە خەڵک ھەست بە ئازار دەکات.

- دیمەنی ناشیرینە و مرۆڤ پێی خۆش نییە، ھەتا ھەندێک خەڵک ھەن کاتێک دەیبینن دەڕشێنەوە.

- ئازار دەدرێن بەھۆی ئەوەوە پیسایی بەر قاچ و جل و بەرگیان دەکەوێت.

- ناتوانن لەو شوێنە دابنیشن.

لیستی بەشەکانی پرسیار و وەڵام