دەقی وەڵام:

وەڵام: عن أبي بن كعب رضي الله عنه أن رسول الله صلى الله عليه وسلم قال: (لا تسبوا الريح، فإذا رأيتم ما تكرهون فقولوا: اللهم إنا نسألك من خير هذه الريح، وخير ما فيها، وخير ما أمرت به، ونعوذ بك من شر هذه الريح، وشر ما فيها، وشر ما أمرت به). أخرجە الترمذی (٢٢٥٢) وقال: "حدیث حسن صحیح".

واتە: لە ئوبەی کوڕی کەعب دەگێڕنەوە خوا لێی ڕازی بێت دەفەرمووێت: پێغەمبەر دروود و سەلامی خوای لێ بێت فەرمووی: (جنێو بە با مەدەن ئەگەر شتێکتان لێ بینی کە پێتان ناخۆش بوو بەڵکو بڵێن: خوایە داوای چاکەی ئەو بایەت لێ دەکەین و هەر چاکەیەکیش کە تیایدا هەیە، هەروەها هەر چاکەیەکیش کە ئەو بایە فەرمانی پێكراوە بیکات، وە پەنات پێدەگرین لە خراپە و بەدی ئەم بایە، وە لە خراپەی هەرچیەکی کە تیایدایە و هەڵی گرتوە، وە لە خراپەی هەرچییەک کە فەرمانی پێدراوە بیکات.)

ڕاڤەی وشەکانی فەرموودەکە:

"لا تسبوا الریح" واتە: جنێو بە با مەدەن، سب: جنێو و نەفرەت و عەیبدار کردن و هەموو ئەمانە دەگرێتەوە.

"من خیر هذە الریح" واتە: خوایە داوای چاکەی ئەو بایەت لێ دەکەین، وەک هەوای خۆش و فێنک.

"وخیر ما أمرت بە" واتە: هەرچاکەیەکیش کە تیایدا هەیە، وەک تەڵقیحی بەروبووم.

سوودەکانی فەرموودەکە:

١- ئەم فەرموودەیە بەڵگەیە نەهی کراوە لە جنێودان بە با، چونکە ئەمە زیان بە تەوحید دەگەیەنێت، چونکە تاوان کاریگەری لەسەر تەوحید هەیە.

٢- ئەم فەرموودەیە بەڵگەیە جنێودان بە با حەرامە، زانایان دەڵێن جنێودان بە با ئەم سێ حاڵەتانەن:

یەکەم: ئەگەر جنێو بە با بدات و مەبەستی خوای گەورە بێت ئەمەیان کوفری گەورەیە.

دووەم: ئەگەر جنێو بە با بدات باوەڕی وابێت با خۆی بکەرە و خۆی شتەکان دەکات بێ ویست و فەرمانی خوای گەورە ئەمە کوفری گەورەیە جا جنێو بدات یان نەيدات.

سێیەم: جنێو بە با دەدات و باوەڕی وایە با ژێر بارکراوە و هیچی بە دەست نییە بەڵکو بە دەست خوای گەورە، ئەمەیان حەرامە.

٣- ئەم فەرموودەیە بەڵگەیە موسڵمان لە کاتی تەنگانە ڕوو لەخوا دەکەن بە دوعا و پاڕانەوە و تەوحید.

٤- ئەم فەرموودەیە بەڵگەیە بۆ فەزڵ و خێری با کە چەندین سوود و خێری تێدایە و بەندە لێی بێ ئاگایە.

موتەڕیف ڕەحمەتی خوای لێ بێت دەفەرمووێت: (ئەگەر با (هەوا) مەنع بکرێت لە خەڵک، ئەوا نێوان ئاسمان و زەوی بۆگەن دەبێت).