پرسیار: دروستە قاپی زێڕ و زیو بۆ جگەلەخواردن و خواردنەوە بەکاربهێنیت؟
وەڵام: زانایان دەڵێن قاپی زێڕ و زیو سێ حالەتە:
یەکەم: بەکارهێنانی بۆ خواردن و خواردنەوە، ئەمەیان حەڕامە هەموو زانایان یەک دەنگن لەسەری.
دووەم: بەکارهێنانی بۆ جگە لەخواردن و خواردنەوە، زۆربەی زانایان بۆ ئەوە چوون حەڕامە، هەندێک زانا بۆ ئەوە چوون دروستە، باشتر وایە مرۆڤ خۆی لێ بپارێزێت.
سێیەم: هەلگرتنی قاپی زێڕ و زیو بێ ئەوەی بەکار بهێنیت، ئەمەیان دەتوانی بڵێی مەجالی تێدایە.
کەواتە حالەتی یەکەم زۆر تووندە و هیچ مەجالی تێدا نییە، و حالەتی دووەم سووکترە لە حالەتی یەکەم، و حالەتی سێیەم سووکترە لە هەردووکیان و مەجالی تێدایە.