پرسیار: لەنوێژدا کەسێک بنێشتی لەژێر زمان بێت، واتە نەیجوێت، نوێژەکەی قبوڵە؟
وەڵام: زانایان دەڵێن بەندە دەبێت ئاگادار بێت لەبەردەم خوای گەورە وەستاوە و دڵی ئامادە بێت، و هەست بە گەورەیی خوا بکات و شتێک نەکات پێچەوانەی ئادابی وەستان بێت لەبەردەم خوای گەورە.
هێشتنەوەی بنێشت لەناو دەمدا بێ ئەوەی جولەی پێ بکات یان لەژێر زمان بێت کەمترین شت ئەوەیە نەفی ئادابی وەستان لەبەردەم خوای گەورە دەکات، و قەدەغەی تەواوی خوێندنەوەی قورئان دەکات، و نوێژ خوێن مشغول دەکات، ئەگەر لەناو دەمی حەرەکەی پێ بکات یان بتاوێتەوە، ئەوە نوێژ بەتال دەبێت.
ئیمام النووی ڕەحمەتی خوای لێ بێت دەفەرمووێت: (بەغەوی و کەسانی تر دەڵێن: بنێشت جوون نوێژ بەتال دەکاتەوە ئەگەر چی نەگاتە ناو گەدەش، ئەگەر بنێشتی نەجوو تەنها لەسەر زمانی دانا، ئەگەر نوێ بوو تاوایەوە ئەوە وەک شەکر وایە، نوێژ بەتال دەبێتەوە لەسەر وتەی ڕاستی زانایان، ئەگەر بنێشتی بەکارهاتوو بوو و نەتاوایەوە نوێژ بەتال ناکاتەوە، وەک ئەوە وایە بەرد یان شتێکی تر بخاتە ناو دەمی، نوێژ بەتال نابێتەوە). المجموع (٤/٢٣).