پرسیار: مەرجی خۆشۆردنی لەشگرانی چییە؟
وەڵام: زانایان دەڵێن خۆشۆردن چوار مەرجی هەیە:
١ـ دەبێت نییەتی لادانی لەشگرانی هەبێت، ئەگەر نییەتی نەبێت خۆشۆردنی دروست نییە لەسەر وتەی زۆربەی زانایان، کە ئەمە وتەی ڕاستە.
نموونە: خۆی دەشوات وەک عادەت یان بۆ ئەوەی پاک بێتەوە یان فێنک بێتەوە، ئەمەیان خۆشۆردنی لەشگرانی لەسەری لانەچووە.
٢ـ دەبێت ئەوەی بەکاری دەهێنێت پاک بێت، ئاوێک پیس بێت خۆی پێ بشوات خۆشۆردنی لەشگرانی لەسەری لاناچێت.
٣ـ دەبێت هەمووی لاشەی تەڕ بێت و ئاو پێی بگات، نابێت هیچ ڕێگڕێک هەبێت ببێتە بەربەست لە ئاو گەیشتن بە لاشەی.
٤ـ دەبێت ئەندامەکانی لاشەی یەک بەدوای یەک بشوات بێ ئەوەی ماوەیەکی زۆر بکەوێت نێوانی شۆردنی ئەندامەکانی ئەگەر هیچ عوزری نەبێت، ئەگەر عوزری هەبێت دەتوانی ئەندامەکانی تری تەواو بکات.