پرسیار: دەکرێت بە کورتی ڕوونکردنەوە بدەن لەسەر نوێژی جەژن؟
وەڵام: سەبارەت بە نوێژی جەژن زانایان دەڵێن:
ـ ھەموو زانایان یەک دەنگن نوێژی جەژن دوو ڕەکاعەتە، لە ڕەکاعەتی یەکەم جگە لە تکبیری ئیحرام شەش تەکبیر دەڵێیت یان حەوت، وە لە ڕەکاعەتی دووەم جگە لە تەکبیری نەقل بوون پێنج تەکبیر دەلێیت.
ـ تەکبیرەکان سوننەتن، ھەر کەسێک تەرکی بکات نوێژی دروستە و نوێژی بەتاڵ نییە.
ـ ھەندێک زانا دەڵێن سوننەت نییە لە نێوان تەکبیرەکان زیکر بڵێیت چونکە ھیچ فەرموودە نەھاتوون، وە ھەندێک دەڵێن سوننەتە زیکر بڵێیت، چونکە لە ابن مسعود نەقل کراوە.
ـ سوننەتە دەستەکانت بەرز بکەیتەوە لەگەل ھەموو تەکبیرەکان.
ـ سونەتە سورەتی (الٲعلی) و (الغاشیە) بخوێندرێ، یان سورەتی (ق) و (القمر).
ـ سوننەتە قورئان خوێندنەوە بە دەنگ بێت.