پرسیار: واجبەکانی خۆشۆردن چیین؟
وەڵام: زانایان سەبارەت بە واجبەکانی خۆشۆردن دەڵێن:
١ـ نییەت مەرجە بۆ خۆشۆردن، هەر کەسێک نییەتی فێنێک بوونەی هەبێت لە خۆشۆردن، ئەوە خۆشۆردنی لەشگرانی لەسەر لانەچووە.
٢ـ دەبێت ئاو بگات بە هەموو ئەندامەکانی لاشەی مرۆڤ، واتە: هەمووی تەڕ بێت.
٣ـ ئاو لە دەم و لووت ڕادان لەسەر وتەی هەندێک زانا، کە ئەمە وتەی حەنەفی و حەنابلە و ابن تیمیە و ابن باز و ابن عثیمینە.
٤ـ خۆشۆردنی ئەندامەکانی لاشە بەدوای یەک لەسەر وتەی هەندێک زانا، بێ ئەوەی ناوبڕ و ماوەیەکی زۆر بکەوێتە نێوانی.