پرسیار // تەکفیر چییە ؟ سیفەتەکانی تەکفیرییەکان چین ؟
وەلام // تەکفیر وەسفی کردنی کەسێکە بە کوفر و حوکم دانە بەوەی کە لە ئیسلام دەرچووە .
سیفەتەکانی تەکفرییەکان ئەمانەن :
یەکەم // باوەڕیان وایە ھیچ ولاتی ئیسلامی نەماوە ھەتا مەککە و مەدینەش ، ھەموویان ولاتی کوفرن .
دووەم // کەم عەقلن ھیچ سەنگ بۆ سوود و زیان دانانێن ، زۆر لایان ئاساییە شتێک بکەن زیانی زۆر گەورە بێت .
سێیەم // زۆرینەیان ھەرزەکارن و کەس بە تەمەن نین ، ھەلخەلەتاون بە ھەندێک شوبھە .
چوارەم // سەنگ بۆ وتەی زانایان دانانێن و بە ترسنۆک وەسفیان دەکەن ، بەلکو ھەر کەسێک پێچەوانەیان بێت کافری دەکەن ، نموونە : چەندین تەکفیری ئەم سێ زانایانەی ئەم سەردەمیان کافر کردووە ابن باز و ابن عثیمین و الالبانی .
پێنجەم // زۆرینەی خەلک کافر دەکەن بە تایبەتی کار بەدەستەکان ، بەلکو جوولەکە و گاور لایان زۆر باشترن لە کاربەدەستەکان .
شەشەم // شەڕ دەکەن دژی موسلمانان و خۆیان دەتەقێننەوە لەناو موسلمانان ، باس و دانشیتنیان باسی کوشتن و جیھاد و خەلک کافر کردن و ھەلگەڕانەوەیە لە دین .
حەوتەم // یەقینیان ھەیە کە شوێن کەوتەیان بۆ بەھەشتن و بە شەھید حساب دەکرێن .
ھەشتەم // ھەندێک حەق بەدەردەخەن بۆ ئەوەی بگەن بە ناھەق ، واتە بگەن بە مەرامەکانیان .
نۆیەم // تێگەیشتنیان زۆر زۆر لاوازە بۆ قورئان و سونەت .
دەیەم // وتەیان زۆر جوانە و شرینە و قسەزانن بەلام کردەوەیان زۆر زۆر ناشرینە .
یانزدەم // پشت لە قوتابخانە و کۆلێژ و پیشەی حوکمی دەکەن .
دوانزدەم // زۆربەی زۆری کار و دانیشتنەکانیان بە نھێنی یە .
سێزدەم // پشت لە نوێژی بەکۆمەڵ و جومعە دەکەن ، چونکە شارەکە شاری کوفرە و حاکم کافرە و زۆرینەی خەلک کافرن .
عقیلی دەفەرمووێت : (( ئیسماعلی بیھسی دراوسێی مزگەوت بوو چل ساڵ ، نەبینرا لە نوێژی جومعە و نوێژی بە كۆمەڵ . )) حاشية تهذيب الكمال ج٣ لاپەڕە ١٠٩
چواردەم // خەلک کافر دەکەن لەسەر کردنی تاوانی گەورە .
پازدەم // خەلک تاقی دەکەنەوە بە کاربەدەستەکان ، ئەگەر خەلک کاربەدەستی کافر کرد ئەوا لێی ڕازی دەبن ، ئەگەر کافریان نەکرد ئەوا وەسفی دەکەن بە خراپترین وەسف یان کافری دەکەن .
شازدەم // ....... حەڤدەم // .... ..... // ......
ـــــــــــــــــــــــــــــــــــــــــــــــــــــــــــــــــــــــــــ