پرسیار: کردەوە لاشەیەک نییە وەزن بکرێت لە تەرازوودا، چۆن دەکرێت لە ڕۆژی قیامەتدا کردەوە وەزن بکرێت؟
وەڵام لە دوو ڕووەوەیە:
یەکەم: واجبە لەسەر موسڵمان ئەو هەواڵانە بەڕاست بخاتەوە کە لەلایەن خوا و پێغەمبەرەوە هاتوون لە شتی غەیبی، ئەگەر چی عەقل لای سەیریش بێت، لەسەریەتی بەڕاست بخاتەوە، چونکە توانای خوای گەورە لەسەرووی بیرکردنەوەی ئێمەیە و شتی غەیبیش لەسەرووی بیرکردنەوەی ئێمەیە.
دووەم: خوای گەورە ئەم کردەوانە دەکات بە لاشەیەک و لەسەر تەرازوو دادەنرێت و وەزن دەکرێن، خوای گەورە توانای هەیە شتی نابەرجەستە بکات بە بەرجەستە، هەروەک چۆن فەرموودە هاتووە ئاماژەی بۆ ئەمە کردووە مردن لەسەر شێوەی کاوڕ (ئاژەڵ) دەهێنرێت و سەردەبڕدرێت، مردن ئێستا شتێکی نابەرجەستەیە کەچی ڕۆژی قیامەت دێت لەسەر شێوەی کاوڕ. .أخرجه البخاريُّ (٤٧٣٠)، ومسلمٌ (٢٨٤٩) مِن حديث أبي سعيدٍ الخُدْريِّ رضيَ الله عنه، (تفسير ابن عثيمين- جزء عم) لاپەڕە (٢٨٨).