پرسیار: حوکمی لەپێکردنی نەعلی زێڕ بۆ ئافرەت؟
وەڵام: جیاوازی هەیە لەنێوان زانایان سەبارەت بە لەپێکردنی نەعلی زێڕ، دوو وتە هەیە:
یەکەم: هەندێک زانا بۆ ئەوە چوون دروستە بۆ ئافرەت نەعلی زێڕ و زیو لەپێ بکات، کە ئەمە وتەی مالکی و وتەی ڕاستی شافعی یە، بەڵگە:
١ـ زێڕ بۆ ئافرەت حەڵاڵە، نەعلیش لەو شتانەیە لەبەر دەکرێت وەک خەناوکە و بازن و گوارە.
دووەم: هەندێک زانای تر بۆ ئەوە چوون حەڕامە لەسەر ئافرەت نەعلی زێڕ و زیو لەپێ بکات، کە ئەمە وتەی حەنابلە و وتەیەکە لە وتەکانی مالک و شافعی، بەڵگە:
١ـ ئیسراف و خۆ بەگەورە دانانی تێدایە.
٢ـ عادەت وانییە نەعلی زێڕ لەپێ بکرێت.
٣ـ لەپێکردنی نەعلی زێڕ هیچ جوانی تێدانییە.
ئەگەر نەعلی زێڕ و زیو لەپێ نەکرێت باشترە، والڵە ٲعلم.