دەقی وەڵام:

وەلام // زانایان دەلێن داوا کردنی زانستی شەرعی جۆرێکە لە جۆرەکانی جیھاد کردن لە ڕێگای خوا ، زانست ئەسلی ھەموو شەرعە ، شەرع نییە بێ زانست ، خوای گەورە کتابی دابەزاندووە بۆ ئەوەی فێری ببن و کاری پێ بکەن ، ئەوەی داوای زانستی شەرعی دەکات گومانی تێدا نییە دەکەوێتە ژێر ئەوانەی کە جیھاد دەکەن لە ڕێگای خوای گەورە .

ئیمام احمد ڕەحمەتی خوای بێت دەفەرمووێت : " ھیچ شتێک بەرامبەر زانست نییە بۆ ئەو کەسە کە نییەتی ڕاست بێت "

لە الموسوعة الفقهية باس کراوە دەلێت : (( ھەموو زانایان یەک دەنگن دروستە زەکات بدەیتە ئەوەی زانستی شەرعی دەخوێنێ ، حنفی و شافعی و حنابلە بە ڕاشکاوانە وا دەلێن ، ھەروەھا ئەوەی دیار بێت مالکیش وا دەلێن ، ......

ھەندێک حنفی بۆ ئەوە چوون کە دروستە ئەوەی داوای زانستی شەرعی دەکات زەکات وەربگرێت ئەگەر دەولەمەندیش بێت ئەگەر تەنھا خۆی تەرخان بکات بۆ زانستی شەرعی ، لەبەر ئەوەی ناتوانێت کار بکات ......

ابن تیمییە پرسیاری لێکرا سەبارەت کەسێک ناتوانێت کتاب بکڕێت بۆ خوێندنەوە ، دەلێت : دروستە زەکات وەربگریت بۆ ئەوەی کە پێویستی پێیەتی لە کتابی زانست ئیلا سوودی بۆ دین و دونیایی تێدا بێت .

حنفی بە ڕاشکاوانە دەلێن دروستە زەکات نقل بکەیت لە شارێکەوە بۆ شارێکی تر بۆ ئەوانەی زانستی شەرعی دەخوێنن )) الموسوعة الفقهية (28/337)

زانایانی اللجنة الدائمة پرسیاریان لێکراوە : ئایا دروستە زەکات بدەیتە قوتابی کە ئەوان پێویستیان پێیەتی ؟

لە وەلام دا دەلێن : (( بەلێ دروستە زەکاتیان پێ بدەیت لەبەر پێویستیان پێی . )) فتاوى اللجنة الدائمة (10/17)

ابن عثيمين ڕەحمەتی خوای لێ بێت دەفەرمووێت : (( قوتابی ئەگەر خۆی تەرخان کردبێت بۆ خوێندن دروستە زەکاتی پێ بدەیت ئەگەر توانای کارکردنیشی ھەبێت ، چونکە داوا کردنی زانستی شەرعی جۆرێکە لە جیھاد ، خوای گەورە جیھاد کردن بە یەکێک لەوانە دایناوە کە شیاوی زەکاتن ، دەفەرمووێت (( إِنَّمَا الصَّدَقَـٰتُ لِلْفُقَرَآءِ وَالْمَسَـٰكِينِ وَالْعَـٰمِلِينَ عَلَيْهَا وَالْمُؤَلَّفَةِ قُلُوبُهُمْ وَفِى الرِّقَابِ وَالْغَـٰرِمِينَ وَفِى سَبِيلِ اللَّهِ وَابْنِ السَّبِيلِ فَرِيضَةً مِّنَ اللَّهِ وَاللَّهُ عَلِيمٌ حَكِيمٌ وَفِى الرِّقَابِ وَالْغَـٰرِمِينَ وَفِى سَبِيلِ اللَّهِ وَابْنِ السَّبِيلِ فَرِيضَةً مِّنَ اللَّهِ وَاللَّهُ عَلِيمٌ حَكِيمٌ ))

بەلام ئەگەر قوتابی خۆی تەرخان بکات بۆ زانستی دونیا زەکاتی پێ نادرێت ، ئێمە پێی دەلێین : تۆ ئێستا کار دەکەیت بۆ دونیا ، دەکرێت کارێکیش بکەیت بۆ دونیا ، زەکاتت پێ نادەین .

بەلام ئەگەر کەسێک ھەبێت دەتوانێت کار بکات بۆ خواردن و خواردنەوە و شوێنی نیشتەجێ بوون ، بەلام پێویستی بە ژن ھێنانە مالی نییە ژنی پێ بھێنێت ، ئایا دروستە ژنی بۆ مارە بکەین بە زەکات ؟

وەلام : دروستە ژنی بۆ مارە بکەیت لە زەکات وە مارەیی تەواوی پێ بدەیت ........ )) مجموع فتاوى و رسائل الشيخ محمد صالح العثيمين المجلد التاسع عشر - كتاب أهل الزكاة.

ـــــــــــــــــــــــــــــــــــــــــــــــــــــــــــــــــــــــــ