دەقی وەڵام:

وەڵام: غرامەی هاتووچۆ بە قەرز لەسەر خاوەنەکەی حساب دەکرێت و کەسەکە دەبێت بە قەرزار، ئەم سەرپێچی کردنەی هاتووچۆ دوو ئەگەری هەیە:

یەکەم: لەوانەیە بە هەڵە سەرپێچی کردبێت بێ ئەنقەست.

دووەم: لەوانەیە بە ئەنقەست سەرپێچی کردبێت و تابلۆ و ڕێنمایی هاتووچۆی دیتبێت.

ئەو کەسەی قەرزار بووە دەڵێین ئەم دوو حاڵەتەیە:

حالەتی یەکەم: کەسێک قەرزار بووە بە حەڕام، دەڵێن ھەر کەسێک قەرزار بێت بە حەڕام دوو ئەگەری هەیە:

یەکەم: ئەگەر تەوبەی کردبێت و پەشیمان بوبێتەوە، ئەوە دروستە زەکاتی پێ بدەیت.

دووەم: ئەگەر تەوبەی نەکردبێت و پەشیمان نەبووبێتەوە، ئەوە نابێت زەکاتی پێ بدەیت، چونکە ئەمە یارمەتی دانە لەسەر حەڕام و سەرپێچی.

حالەتی دووەم: کەسێک قەرزار بووە بە شتێکی ڕێگەپێدراو یان حەڵاڵ، لەم حاڵەتە دروستە زەکاتی پێ بدەیت.

جیاوازی هەیە لەنێوان زانایانی سەردەم سەبارەت بە زەکات دان بەوەی سەرپێچی هاتووچۆی کردووە، وتەی ڕاست ئەوەیە دروستە زەکاتی پێ بدەیت بە دوو مەرج:

١ـ قەرزار پارەی نەبێت قەرزی خۆی بداتەوە.

٢ـ تەوبەی کردبێت لەو سەرپێچی یەی کردوویەتی، لەو کەسانە نەبێت شتەکە بە شتێکی کەم و ئاسایی وەربگرێت، ئەگەر تەوبەی نەکردبێت پێی نادرێت، ئەگەر بەهەڵەش سەرپێچی کردبێت دروستە پێی بدەیت.