پرسیار: دروستە پارەی زەکات بدەم بە خواردن یان خورما و ئاو بۆ ڕۆژوو شکاندن لە مزگەوت؟
وەڵام: زانایان دەڵێن دروست نییە پارەی زەکات بکەیت بە خواردن و خواردنەوە بۆ ڕۆژووگر، چونکە:
١ـ زەکات دەبێت بدرێت بەو کەسەی کە پێی دەشێت.
٢ـ زەکات پێدان و وەرگرتنە، دەبێت بدرێت بەوەی پێی دەشێت و ئەویش وەربگرێت و ببێتە خاوەنی.
خوای گەورە دەفەرمووێت: (إِنَّمَا الصَّدَقَاتُ لِلْفُقَرَاءِ وَالْمَسَاكِينِ وَالْعَامِلِينَ عَلَيْهَا وَالْمُؤَلَّفَةِ قُلُوبُهُمْ وَفِي الرِّقَابِ وَالْغَارِمِينَ وَفِي سَبِيلِ اللَّهِ وَاِبْنِ السَّبِيلِ فَرِيضَةً مِنْ اللَّهِ وَاللَّهُ عَلِيمٌ حَكِيمٌ) [التوبة:60].
چوار دەستەی یەکەم دەربڕینی بە پیتی (لام) دەلالەت لەسەر مولک دەکات، دەبێت پێیان بدرێت و ببنە خاوەنی و بە ئارەزووی خۆیان سەرف بکەن. (الإنصاف) للمرداوي (3/234)، (لقاء الباب المفتوح) لابن عثيمين.