پرسیار: دەکرێت ڕوونکردنەوە بدەن لەسەر شێوەی کڕین و فرۆشتنی (العينة)؟
وەڵام: زانایان دەڵێن کڕین و فرۆشتنی (العينة) ئەم چوار شێوانە دەگرێتەوە:
١ـ کەسێک شتێک دەفرۆشیت بە قەرز، پاشان لە ھەمان کەس دەکڕیتەوە بە نرخێکی کەمتر بەڵام بە نەقدی پێش ئەوەی کاتی قەرزەکەی تەواو بووبێت، ئەم شێوەیە بەناوبانگە و زۆربەی زانایان بۆ ئەوە چوون حەرامە.
٢ـ کەسێک شتێک دەفرۆشێت بە قەرز، پاشان لەهەمان کەس دەکڕێتەوە بە گرانتر بەڵام ماوەی قەرزی دورترە لە قەرزی یەکەم.
٣ـ کڕیار و فرۆشیار کەسی سێیەم دێننە نێوان خۆیان، نموونە: کەسێک جل و بەرگی خۆی دەفرۆشێت بە کەسی دووەم بە قەرز بە (١٢) درهەم، پاشان کەسەکە دەفرۆشێتە کەسی سێیەم بە (١٠) درهەم بە قەرز، پاشان کەسی سێیەم دەفرۆشت بە کەسی یەکەم کە سەرەتا خاوەنی جل و بەرگ بوو بە (١٠) درهەم بە نەقد، پاشان کەسی سێیەم (١٠) درهەم دەداتەوە بە کەسی دووەم.
٤ـ کەسێک شتێک دەفرۆشێت بە نەقدی، پاشان لەهەمان کەس دەکڕێتەوە بە قەرز بە گرانتر. (حاشية ابن عابدين) (5/273)، (الكافي) لابن عبد البر (2/671)، (المبدع) لبرهان الدين ابن مُفلِح (4/49)، (مجموع الفتاوى) لابن تيمية (29/441).
تێبینی: لەبەر ئەوە پێی دەڵێن (العينة)، چونکە (عین) خودی مالەکە بۆ فرۆشیار دەگەڕێتەوە.