دەقی وەڵام:

وەڵام: ابن مسعود خوا لێی ڕازی بێت دەفەرمووێت: (لأن أحلف بالله كاذبا أحب إلي من أن أحلف بغيره صادقا). أخرجه عبد الرزاق في (المصنف) (٨/٤٦٩ رقم ١٥٩٢٩)، وابن أبي شيبة (٣/٧٩ رقم١٢٢٨١)، والطبراني في (الكبير) (٩/١٨٣ رقم ٨٩٠٢).

واتە: ابن مسعود خوا لێی ڕازی بێت دەفەرمووێت: (ئەگەر سوێند بخۆم بە خوا بە درۆوە، لام باشترە یان خۆشەویستترە لەوەی سوێند بخۆم بە بێجگە لەخوا بە ڕاست).

ڕاڤەی وشەکانی ئەثەرەکە:

(لأن أحلف بالله كاذبا): واتە: ئەگەر سوێند بە درۆوه بە خواوه بخۆم.

(أحب إلي من أن أحلف بغيره صادقا): هەردووکیان لای ابن مسعود شتی خراپن و خۆشەویست نین، بەڵام مەبەستی ئەوەیە یەکێک گەورەترە و خراپترە لەوەی تر.

سوودەکانی ئەثەرەکە:

١-: ئەم ئەثەرە بەڵگەیە سوێند خواردن بە بێجگە لەخوا بە ڕاستگۆيی گەورەترە لە سوێند خواردن بە خوا بە درۆ، چونکە سوێند خواردن بە بێجگە لەخوا شیرکە، بەڵام سوێند خواردن بە خوا بە درۆ تاوانە.

٢- ئەم ئەثەرە بەڵگەیە شیرکی بچووک گەورەترە لە تاوانی گەورە، چونکە سوێند خواردن بە بێجگە لەخوا شیرکی بچووکە و سوێند خواردن بە خوا بە درۆ لە تاوانە گەورەکانە.

٣- ئەم ئەثەرە بەڵگەیە سویند خواردن بە بێجگە لەخوا حەڕامە، کە ئەمە وتەی راستە.

٤- ئەم ئەثەرە بەڵگەیە سوێند خواردن بەخوا بە درۆ حەڕامە لە دوو ڕووەوە:

ٲ- درۆی کردووە و درۆش حەڕامە.

ب- سوێند خواردن بەخوای تێدایە، سوێند بەگەورە دانانە بەڵام بە درۆ بە کەم دانانی خوای گەورەی تێدایە.

٥- ئەم ئەثەرە ئاماژەیە بۆ ئەوەی کە شیرکی بچووک لێ خۆش بوونی بۆ نیە لە ڕۆژی قیامەتدا ئەگەر تەوبەی نەکردبێت، بەڵکو دەبێت هەر سزا بدرێت ئینجا لە دۆزەخ دەردەهێنرێت، ئەمەیان لەسەر وتەیەک لە وتەی زانایان.