کەسێک ڕێبوارە و سەفەرەکەی سەفەری تاوانە، ئایا زەکاتی پێ دەشێت؟
وەڵام: زانایان دەڵێن زەکات نادرێت بەو کەسەی پارەی لێ بڕاوە لە سەفەری تاوان ئەگەر تەوبەی نەکردبێت، کە ئەمە وتەی زۆربەی زانایانە، وتەی مالکی و شافعی و حەنابلەیە و ظاهری یەکانە، بەڵگە:
١ـ خوای گەورە دەفەرمووێت: (وَتَعَاوَنُوا عَلَى الْبِرِّ وَالتَّقْوَى وَلَا تَعَاوَنُوا عَلَى الْإِثْمِ وَالْعُدْوَانِ) [المائدة: 2].
زەکات پێدان یارمەتی دانە لەسەر تاوان. (الشرح الممتع) لابن عُثيمين (٦/٢٤٤).
٢ـ تەوبە ئەوەی پێش خۆی دەسڕێتەوە، وە هەندێک جاریش گەڕانەوە بۆ شاری خۆی دەبێتە هۆی وازهێنانی لە تاوان، نموونە: کەسێک دایک و باوکی ئەزیەت داوە دەیەوێت بگەڕێتەوە لایان، یان کەسێک هەڵاتووە لە خاوەنی قەرز یان خێزانی دەیەوێت بگەڕێتەوە لایان. (المغني) لابن قدامة (٦/٤٨٢)، (حاشية الروض المربع) لابن قاسم (٣/٣٢١).
ابن حزم ڕەحمەتی خوای لێ بێت دەفەرمووێت: (ڕێبوار (ابن سبیل): ئەو کەسەیە کە دەردەچێت بێ ئەوەی سەفەری تاوان بێت و محتاج دەبێت). (المحلى) (٦/١٥١).